15:46 December 17
రికార్డుల మోత..
హెవీ వెయిట్ షేర్ల దన్ను, అంతర్జాతీయ సానుకూలతలతో స్టాక్ మార్కెట్లు రికార్డు స్థాయిల వద్ద ముగిశాయి . సెన్సెక్స్ 224 పాయింట్లు బలపడి జీవనకాల గరిష్ఠమైన 46,890 వద్ద స్థిరపడింది. నిఫ్టీ 58 పాయింట్లు పెరిగి సరికొత్త జీవనకాల రికార్డు స్థాయి అయిన 13,741 వద్దకు చేరింది.
10:01 December 17
46,800కు చేరువలో సెన్సెక్స్..
స్టాక్ మార్కెట్లు లాభాల్లో కొనసాగుతున్నాయి. సెన్సెక్స్ 120 పాయింట్లకుపైగా లాభంతో 46,792 వద్ద ట్రేడవుతోంది. నిఫ్టీ 40 పాయింట్లకుపైగా వృద్ధితో 13,722 వద్ద కొనసాగుతోంది.
విదేశీ మదుపరుల నుంచి వస్తున్న పెట్టుబడుల ప్రవాహం, రిలయన్స్ ఇండస్ట్రీస్, టీసీఎస్ లాంటి హెవీ వెయిట్ షేర్ల దన్ను లాభాలకు కారణంగా తెలుస్తోంది.
09:07 December 17
13,700 మార్క్ దాటిన నిఫ్టీ
అంతర్జాతీయంగా మిశ్రమ సంకేతాల నడుమ దేశీయ స్టాక్మార్కెట్ సూచీలు లాభాల్లో ట్రేడవుతున్నాయి.
బొంబాయి స్టాక్ ఎక్స్చేంజి సూచీ సెన్సెక్స్ 46 వేల 700 మార్కు దాటింది. జాతీయ స్టాక్ ఎక్స్చేంజి సూచీ నిఫ్టీ 33 పాయింట్ల స్వల్ప లాభంలో ఉంది.
స్పెక్ట్రమ్ వేలానికి కేంద్ర మంత్రివర్గం ఆమోదం తెలపడం, 60 లక్షల టన్నుల పంచదార ఎగుమతికి ఆమోదం తెలపడం వల్ల.. మదుపర్లు ఆ షేర్లపై ఆసక్తి కనబరుస్తున్నారు.
లాభనష్టాల్లోనివి ఇవే..
దివీస్ ల్యాబ్స్, శ్రీ సిమెంట్స్, ఇండస్ఇండ్ బ్యాంక్, ఆల్ట్రాటెక్ సిమెంట్, సన్ ఫార్మా లాభాల్లో ఉన్నాయి.
పవర్గ్రిడ్ కార్పొరేషన్, కోల్ ఇండియా, అదానీ పోర్ట్స్, ఎల్అండ్టీ, ఐటీసీ ఆరంభట్రేడింగ్లోనే నష్టపోయాయి.