టోకు ధరల ఆధారిత ద్రవ్యోల్బణం (డబ్ల్యూపీఐ) 22 నెలల కనిష్ఠ స్థాయికి తగ్గింది. మే నెలలో 2.45 శాతంగా నమోదైంది. ఆహార పదార్థాలు, ఇంధన ధరలు తగ్గడం ఇందుకు ప్రధాన కారణంగా తెలిపింది కేంద్రం. 2017 జూలైలో నమోదైన 1.88 శాతం టోకు ద్రవ్యోల్బణం తర్వాత ఇదే అత్యల్పం.
- ఈ ఏడాది ఏప్రిల్లో టోకు ద్రవ్యోల్బణం 3.07 శాతంగా నమోదవగా... గత ఏడాది మేలో 4.78 శాతంగా ఉంది.
- ఆహార పదార్థాలపై ద్రవ్యోల్బణం మేలో 6.99 శాతంగా నమోదైంది. ఏప్రిల్లో ఇది 7.37 శాతంగా ఉంది.
- ఉల్లిపాయలపై మాత్రం టోకు ద్రవ్యోల్బణం మేలో 15.89 శాతానికి పెరిగింది. ఏప్రిల్లో 3.43 శాతంగా ఉంది.
- కూరగాయల టోకు ద్రవ్యోల్బణం మే నెలలో 33.15 శాతంగా నమోదైంది. ఏప్రిల్లో ఇది 40.65 శాతంగా ఉంది.
- ఇంధన టోకు ద్రవ్యోల్బణం గత నెలతో పోలిస్తే భారీగా తగ్గి 0.98 శాతంగా నమోదైంది. ఏప్రిల్లో ఇది 3.84 శాతంగా ఉంది.