ఆర్థిక పునరుజ్జీవం ఇప్పట్లో అసాధ్యం: అభిజిత్​

ఆర్థిక వ్యవస్థ పునరుజ్జీవం ప్రస్తుతం సాధ్యం కాదన్నారు నోబెల్ అవార్డు గ్రహీత అభిజిత్ బెనర్జీ. గత 5,6 ఏళ్లలో కొంత వృద్ధి నమోదైనట్లు తెలిపారు.

ప్రస్తుత భారత ఆర్థిక వ్యవస్థ ఒడుదొడుకులకు లోనవుతోందని నోబెల్‌ అవార్డు గ్రహీత అభిజిత్‌ బెనర్జీ వ్యాఖ్యానించారు. అందుబాటులో ఉన్న గణాంకాల ప్రకారం... ఆర్థిక పునరుజ్జీవనం ఇప్పట్లో సాధ్యం కాదన్నారు. గత 5,6 సంవత్సరాల్లో, కొంత వృద్ధిని సాధించామని... ఇప్పుడు ఆ హామీ కూడా లేకుండా పోయిందని తెలిపారు.

ఆర్థిక శాస్త్రంలో ఆయనకు వరించిన అత్యుత్తమ పురస్కారం​ గురించి ప్రస్తావిస్తూ... ఇంత తొందరగా నోబెల్‌ వస్తుందని తాను ఊహించలేదన్నారు. అంతర్జాతీయ స్థాయిలో పేదరిక నిర్మూలనకు గత 20 ఏళ్లుగా పరిశోధన చేస్తున్నానని అభిజిత్‌ ఓ జాతీయ మీడియా సంస్థకు వెల్లడించారు.

ఇదీ చూడండి : మోదీ.. సంపన్నుల లౌడ్ ​స్పీకర్​: రాహుల్