ఆదాయ పన్ను చెల్లింపుదారుల్లో కనీసం 80 శాతం మంది కొత్తగా తీసుకువచ్చిన పన్ను చెల్లింపు విధానాన్ని ఎంచుకుంటారని కేంద్ర ఆర్థిక మంత్రిత్వశాఖ భావిస్తున్నట్లు రెవెన్యూ కార్యదర్శి అజెయ్ భూషణ్ పాండే తెలిపారు.
2020-21 బడ్జెట్లో పన్ను చెల్లింపుల్లో శ్లాబ్లను పెంచుతూ కేంద్రం నిర్ణయం తీసుకున్న విషయం విధితమే.
పద్దుకు ముందే సర్వే..
పద్దు ప్రవేశ పెట్టే ముందే దేశవ్యాప్తంగా 5.78 కోట్ల మంది పన్ను చెల్లింపుదారులపై కేంద్రం ఓ సర్వే నిర్వహించిందని పాండే తెలిపారు. ఇందులో కొత్త పన్ను విధానం ద్వారా పన్ను ఆదా అవుతుందని 69 శాతం మంది, పాత పద్ధతిలోనే మేలు జరుగుతుందని 11 శాతం మంది భావించినట్లు తెలిపారు.
మిగతా 20 శాతం మంది పన్ను చెల్లింపుదారులు పాత పద్ధతిలో ఎక్కువ పేపర్ వర్క్ ఉన్నందున.. వారూ కొత్త విధానానికే మొగ్గుచూపే అవకాశం ఉందని ఆయన పేర్కొన్నారు. బడ్జెట్లో ప్రవేశ పెట్టిన కొత్త విధానాన్ని పన్ను చెల్లింపుదారులు ఐచ్ఛికంగానే ఎంచుకునే అవకాశం ఇస్తున్నట్లు తెలిపారు.
కొత్త శ్లాబులు ఇలా..