భారత మార్కెట్లోకి వివో మరో సరికొత్త స్మార్ట్ ఫోన్ను విడుదల చేయనుంది. వివో 'వీ' శ్రేణిలో కొత్త ఫోన్ను తీసుకురానున్నట్లు తెలుస్తోంది. ఈ మేరకు ఇప్పటికే మీడియా సంస్థలకు ఆహ్వానాలు పంపింది. వీటి ప్రకారం డిసెంబర్ 9న వివో 'వీ17' పేరుతో కొత్త మోడల్ను మార్కెట్లోకి విడుదల చేయనున్నట్లు స్పష్టమవుతోంది.
సెప్టెంబర్లో వచ్చిన వివో 'వీ17 ప్రో'కి కొనసాగింపుగా ఈ కొత్త ఫోన్ను మార్కెట్లోకి తీసుకురానుంది ఆ సంస్థ.
'వీ17' గురించి పెద్దగా వివరాలేవి బయటికి చెప్పలేదు. అయితే 'వీ17' పేరుతో రష్యాలో కొత్త మోడల్ను విడుదల చేసింది చైనాకు చెంది ఈ సంస్థ.
భారత్లో విడుదలయ్యే 'వీ17' మోడల్కు రష్యా మోడల్కు.. కొన్ని ఫీచర్లు మినహాయించి.. చాలా వ్యత్యాసం ఉండనుంది. ఎందుకంటే రష్యాలో విడుదలైన 'వీ 17' మోడల్కు.. టియర్ డ్రాప్ నాచ్ సెల్ఫీ కెమెరా ఉంది. భారత్లో విడుదలయ్యే 'వీ 17' మోడల్ వివో 'జెడ్1' ప్రో లానే.. పంచ్ హోల్ సెల్ఫీ కెమెరా ఉన్నట్లు ఆ సంస్థ విడుదల చేసిన టీజర్ ద్వారా తెలిసింది.