స్మార్ట్ఫోన్ రంగంలో ప్రత్యర్థులకు పోటీగా వివో సరికొత్త ఆవిష్కరణతో ముందుకొచ్చింది. 120 వాట్ అల్ట్రా ఫాస్ట్ ఛార్జింగ్ టెక్నాలజీని ఆవిష్కరించింది. ఈ సదుపాయంతో 4000 ఎంఏహెచ్ సామర్థ్యం ఉన్న మొబైల్ బ్యాటరీని కేవలం 13 నిమిషాల్లోనే ఛార్జ్ చేయవచ్చు.
చైనాలోని షాంఘైలో జరుగుతున్న మొబైల్ వరల్డ్ కాంగ్రెస్లో అధునాతన టెక్నాలజీని అందుబాటులోకి తీసుకొచ్చింది చైనీస్ దిగ్గజ స్మార్ట్ఫోన్ తయారీదారు.
50 శాతం ఛార్జింగ్ కావాలంటే కేవలం 5 నిమిషాలు చాలు. మిగతా సగం చార్జింగ్కు మరో 8 నిమిషాలు పడుతుంది. వివో కంటే ముందు షామీ కంపెనీ ‘100 వాట్స్ సూపర్ ఛార్జ్ టర్బో’ టెక్నాలజీని పరిచయం చేసింది. దీంతో 4,000 ఎంఏహెచ్ బ్యాటరీ ఫోన్‌ని 17 నిమిషాల్లో ఛార్జ్ చేయవచ్చు. తాజా ఆవిష్కరణతో చైనాకే చెందిన షామీని అధిగమించింది వివో.
5జీ స్మార్ట్ఫోన్తో...
వివో తొలి 5జీ స్మార్ట్ఫోన్ను ప్రదర్శించింది. దీనిని 2019-20 ఆర్థిక సంవత్సరం మూడో త్రైమాసికంలో అందుబాటులోకి తీసుకురానుంది. ఇంకా వివో 5జీ క్లౌడ్ గేమ్, 5జీ స్క్రీన్ మిర్రరింగ్ వంటి అప్లికేషన్స్‌ను ఆవిష్కరించింది. ప్రత్యేకించి 5జీ క్లౌడ్ గేమ్‌తో హైక్వాలిటీ గేమ్స్ ఆడుకోవచ్చు.