రెండు అరటిపళ్లకు రూ.442 బిల్లు వేసి బాలీవుడ్‌ నటుడు రాహుల్‌బోస్కు ఓ హోటల్ చుక్కలు చూపించింది. ఈ ఘటనను మరువకముందే ముంబయిలోని మరో హోటల్ ఓ వినియోగదారుడికి షాకిచ్చింది. ఉడకబెట్టిన రెండు కోడి గుడ్లకు రెస్టారెంట్ వేసిన రూ.1700 బిల్లు చూసి కార్తీక్‌ధర్‌ అనే నెటిజన్ ఆశ్చర్యపోయాడు.
గుడ్లకే కాదు.. రెండు ఆమ్లెట్లకు కూడా అదే ధర వేశారు. ఈ బిల్లు ప్రతిని కార్తీక్ ట్వీట్ చేయగా సామాజిక మాధ్యమాల్లో వైరల్గా మారింది. దానిని రాహుల్ బోస్‌కు ట్యాగ్ చేసి సోదరా! మనం ఆందోళన చేద్దామా? అంటూ ట్వీట్ చేశాడు.