ఐఎంఎఫ్ వృద్ధి లెక్కలతో స్వల్ప నష్టాలు

స్టాక్​ మార్కెట్లు స్వల్ప నష్టాలతో ట్రేడవుతున్నాయి. ప్రపంచ ఆర్థిక వృద్ధి నెమ్మదిస్తుందంటూ అంతర్జాతీయ ద్రవ్య నిధి విడుదల చేసిన నివేదికే ఇందుకు కారణం.

ప్రపంచ వృద్ధిపై అనుమానాల మధ్య దేశీయ స్టాక్​మార్కెట్లు స్వల్ప నష్టాలతో ట్రేడవుతున్నాయి.

బొంబాయి స్టాక్​ ఎక్స్చేంజి సూచీ-సెనెక్స్ ప్రస్తుతం 15 పాయింట్లు కోల్పోయి 38,925 వద్ద కొనసాగుతోంది. జాతీయ స్టాక్​ ఎక్స్చేంజి సూచీ-నిఫ్టీ 3 పాయింట్ల స్వల్ప నష్టంతో 11,669 వద్ద ట్రేడవుతోంది.

ఇవీ కారణాలు

2019లో ప్రపంచ ఆర్థిక వృద్ధి రేటు 3.3శాతానికి పరిమితం అవుతుందని అంతర్జాతీయ ద్రవ్యనిధి అంచనా వేసింది.

ఈ లెక్కలు మదుపర్ల సెంటిమెంట్​ను దెబ్బతీశాయి. ఆర్థిక, సాంకేతిక రంగాల వాటాలు అమ్మకాల ఒత్తిడికి గురయ్యాయి.

అమెరికా-చైనా వాణిజ్య యుద్ధం, బ్రెగ్జిట్ ప్రభావం కూడా స్టాక్ మార్కెట్లలో నష్టాలకు కారణమే.

సెన్సెక్స్​లో కోల్​ ఇండియా, ఓఎన్​జీసీ, టాటా స్టీల్​, ఎం అండ్​ ఎం, హెచ్​యూఎల్​, టాటా మోటార్స్​ లాభాల్లో ట్రేడవుతున్నాయి.

టీసీఎస్​, హీరో మోటార్స్, హెచ్​డీఎఫ్​సీ, హెచ్​డీఎఫ్​సీ బ్యాంకు, మారుతీ, ఐటీసీ షేర్లు నష్టాల్లో ట్రేడవుతున్నాయి.