వరుసగా ఐదో రోజు స్టాక్ మార్కెట్లు లాభాలతో ముగిశాయి. అంతర్జాతీయంగా వస్తోన్న సానుకూలతలకు తోడు దేశీయంగా కార్పొరేట్ల త్రైమాసిక ఫలితాలు మెప్పిస్తుండటం లాభాలకు ప్రధాన కారణం. బ్యాంకింగ్, వాహన రంగల్లో మదుపరులు భారీగా కొనుగోళ్లు జరిపారు.
బొంబాయి స్టాక్ ఎక్స్చేంజి సూచీ-సెన్సెక్స్ 453 పాయింట్లు పుంజుకుంది. చివరకు 39,052 వద్ద స్థిరపడింది. జాతీయ స్టాక్ ఎక్స్చేంజి సూచీ-నిఫ్టీ 122 పాయింట్లు పెరిగి..11,586 వద్దకు చేరింది.
ఇంట్రాడే సాగిందిలా..
సెన్సెక్స్ 39,105 పాయింట్ల గరిష్ఠాన్ని తాకగా.. 38,557 పాయింట్ల కనిష్ఠాన్ని నమోదు చేసింది.
నిఫ్టీ నేడు 11,599 పాయింట్ల అత్యధిక స్థాయి.. 11,440 పాయింట్ల అత్యల్ప స్థాయిల మధ్య కదలాడింది.
లాభనష్టాల్లోనివి ఇవే..
ఎస్ బ్యాంక్ అత్యధికంగా 15.19 శాతం లాభపడింది. టాటా మోటార్స్ 9.82 శాతం, ఇండస్ఇండ్ బ్యాంక్ 5.18 శాతం, బజాజ్ ఆటో 3.89 శాతం, ఎస్బీఐ 3.73 శాతం లాభాలను ఆర్జించాయి.
హెచ్సీఎల్ టెక్, వేదాంతలు 1.04 శాతం, పవర్ గ్రిడ్ 0.63 శాతం, కోటక్ బ్యాంకు 0.31 శాతం, ఇన్ఫోసిస్ 0.30 శాతం నష్టాలను మూటగట్టుకున్నాయి.
ఇదీ చూడండి: 'త్వరలోనే కశ్మీర్లో పెట్టుబడులకు నూతన విధానం'