జపాన్కు చెందిన ప్రముఖ ఎలక్ట్రానిక్ దిగ్గజం 'సోనీ' సంచలన నిర్ణయం తీసుకుంది. భారత్లో స్మార్ట్ ఫోన్ వ్యాపారాలను విరమించుకుంటున్నట్లు ప్రకటించింది. కొన్నేళ్లుగా ఈ వ్యాపారంలో సంస్థకు భారీ నష్టాలు రావడమే ఇందుకు ప్రధాన కారణంగా తెలుస్తోంది.
గట్టిపోటీయే కారణం..
నాణ్యమైన ప్రమాణాలు పాటించే స్మార్ట్ఫోన్ బ్రాండుగా వినియోగదార్లలో సోనీకి మంచి పేరుంది. అయితే గత కొన్నేళ్లుగా స్మార్ట్ ఫోన్ల వ్యాపారంలో చాలా కంపెనీలు తక్కువ ధరలో ఎక్కవ ఫీచర్లు ఉన్న ఫోన్లను విక్రయిస్తున్నాయి. వాటితో సోనీ పోటీ పడలేకపోయిందనే చెప్పాలి.
ఈ కారణంగా సంస్థకు వరుసగా నష్టాలు వస్తున్నాయి. ఈ నేపథ్యంలో సంస్థను గట్టెక్కించేందుకు కీలక నిర్ణయం తీసుకున్నట్లు తెలిపింది సోనీ.