అందరు అంచనా వేసినట్లుగానే ప్రస్తుత ఆర్థిక సంవత్సరం రెండో త్రైమాసికం లాభాల్లో రిలయన్స్ అదరగొట్టింది.
గత ఆర్థిక సంవత్సరం రెండో త్రైమాసికంతో పోలిస్తే 2019-20 క్యూ2లో కంపెనీ ఏకీకృత నికర లాభం 18.6 శాతం పెరిగినట్లు వెల్లడించింది. జులై నుంచి సెప్టెంబర్ మధ్య మూడు నెలల కాలంలో మొత్తం రూ.11,262 కోట్ల నికర లాభాన్ని ఆర్జించింది ముకేశ్ అంబానీ సంస్థ. ఇదే సమయంలో సంస్థ పూర్తి ఆదాయం రికార్డు స్థాయిలో రూ.163,854 కోట్లకు పెరిగింది.