15:56 August 07
జీవితకాల గరిష్ఠానికి బంగారం ధర
బంగారం ధర భారీగా పెరిగింది. నేడు ఒక్కరోజే దిల్లీలో 10 గ్రాముల పసిడి వెల రూ.1,113 ఎగబాకి, రూ.37వేల 920కి చేరింది. చరిత్రలో బంగారం ధర ఈ స్థాయికి పెరగడం ఇదే తొలిసారి.
అమెరికా-చైనా వాణిజ్య యుద్ధం నేపథ్యంలో మదుపర్లు బంగారం కొనుగోళ్లకు మొగ్గుచూపడం ఈ భారీ పెరుగుదలకు కారణం.
వెండి ధర కిలోకు రూ.650 పెరిగి రూ.43,670కి చేరింది.
15:44 August 07
అమ్మకాల ఒత్తిడి
స్టాక్ మార్కెట్లు నేడు భారీ నష్టాలతో ముగిశాయి. ఆర్బీఐ రెపో రేటు తగ్గింపు రుచించని మదుపరులు అమ్మకాలకు మొగ్గు చూపారు.
బొంబాయి స్టాక్ ఎక్స్చేంజి సూచీ-సెన్సెక్స్ 286 పాయింట్లు నష్టపోయింది. చివరకు 36,690 వద్ద స్థిరపడింది. జాతీయ స్టాక్ ఎక్స్చేంజి సూచీ-నిఫ్టీ 93 పాయింట్ల నష్టంతో 10,855 వద్ద ముగిసింది.
14:08 August 07
వడ్డీ రేట్లు తగ్గించిన ఎస్బీఐ
13:57 August 07
జీడీపీ వృద్ధి అంచనా తగ్గింపు
ప్రస్తుత ఆర్థిక సంవత్సరానికి జీడీపీ అంచనాను 7 శాతం నుంచి 6.9 శాతానికి తగ్గించింది ఆర్బీఐ. రిజర్వు బ్యాంకు ద్రవ్య విధాన కమిటీ తాజా సమావేశంలో జీడీపీ అంచనాలను సవరించింది. అంతర్జాతీయ వాణిజ్య యుద్ధ భయాలు, ప్రపంచ వృద్ధి మందగిస్తుందన్న అంచనాల నేపథ్యంలో ఈ నిర్ణయం తీసుకున్నట్లు ఆర్బీఐ వెల్లడించింది.
"ప్రస్తుత ఆర్థిక సంవత్సరం తొలి అర్ధ భాగంలో జీడీపీ వృద్ధి రేటు 5.8 శాతం నుంచి 6.6 శాతం మధ్య నమోదు కావచ్చు. రెండో అర్ధ భాగంలో 7.3 శాతం నుంచి 7.5 శాతంగా ఉండే అవకాశం ఉంది."
-ఆర్బీఐ
ఇది కాలానుగుణంగా చేసే సవరణ మాత్రమేనని స్పష్టం చేసింది ఆర్పీఐ.
13:11 August 07
ఎంపీసీ సమావేశ ముఖ్యాంశాలు
12:30 August 07
ద్రవ్యోల్బణం అదుపులో ఉన్నందుకే వడ్డీ కోత
కీలక వడ్డీ రేట్లను సవరించింది రిజర్వు బ్యాంకు. అంచనాలకు మించి 35 బేసిస్ పాయింట్ల రెపో రేటు కోత విధిస్తూ నిర్ణయం తీసుకుంది. తాజా సవరణతో రెపో రేటు 5.40 శాతానికి చేరింది. రివర్స్ రెపో రేటును 5.15 శాతంగా నిర్ణయించింది రిజర్వు బ్యాంకు.
ఆర్బీఐ గవర్నర్ శక్తికాంతాదాస్ నేతృత్వంలోని ఆరుగురు సభ్యుల ద్రవ్య విధాన కమిటీ మూడు రోజుల సమావేశం అనంతరం ఈ కీలక ప్రకటన చేసింది.
ఆర్బీఐ అంచనాలకు తగ్గట్లుగానే ద్రవ్యోల్బణ ఉండటం, దేశ ఆర్థిక వృద్ధి మందగిస్తుందన్న అంచనాల నేపథ్యంలో ఈ నిర్ణయం తీసుకున్నట్లు కమిటీ వెల్లడించింది. ఆర్బీఐ రెపో రేటు తగ్గించడం ఈ ఏడాదిలో ఇది నాలుగో సారి.
వాణిజ్య యుద్ధం, ప్రపంచ వృద్ధి మందగమనం నేపథ్యంలో ప్రస్తుత ఆర్థిక సంవత్సరానికి దేశ జీడీపీ అంచనాను 7 శాతం నుంచి 6.9 శాతానికి తగ్గించింది ఆర్బీఐ.
వినియోగదారుల ధరల సూచీ ద్రవ్యోల్బణం ప్రస్తుత ఆర్థిక సంవత్సరం రెండో ఆర్ధ భాగంలో 3.5 శాతం నుంచి 3.7 శాతం మధ్య ఉండొచ్చని అంచనా వేసింది.
12:10 August 07
ఆర్బీఐ ద్రవ్య విధాన కమిటీ నిర్ణయాలు
11:53 August 07
రుణాలు మరింత చౌక
11:43 August 07
రెపో ప్రకటన ముందు ఆచితూచి
స్టాక్ మార్కెట్లు స్వల్ప లాభాల్లో కొనసాగుతున్నాయి. సెన్సెక్స్ 56 పాయింట్లు బలపడి 37,031 వద్ద ట్రేడింగ్ సాగిస్తోంది. నిఫ్టీ 6 పాయింట్ల స్వల్ప లాభంతో.. 10,954 వద్ద ట్రేడవుతోంది. ఆర్బీఐ రెపో ప్రకటన నేపథ్యంలో మదుపరులు అప్రమత్తంగా వ్యవహరిస్తున్నారు.
ఎస్ బ్యాంకు, ఇండస్ఇండ్ బ్యాంకు, హీరో మోటార్స్, హెచ్యూఎల్, హెచ్సీఎల్టెక్ షేర్లు లాభాల్లో ట్రేడవుతున్నాయి.
టాటా స్టీల్, ఎం&ఎం, ఓఎన్జీసీ, యాక్సిస్ బ్యాంకు, మారుతీ, వేదాంత షేర్లు నష్టాల్లో ఉన్నాయి.
11:06 August 07
ఒకే రోజు రూ.1,113 పెరిగిన బంగారం ధర
ఆర్బీఐ మూడు రోజుల ద్రవ్య పరపతి విధాన సమీక్షా(ఎంపీసీ) సమావేశం నేటితో ముగియనుంది. రిజర్వు బ్యాంకు గవర్నర్ శక్తికాంత దాస్ నేతృత్వంలోని ద్రవ్య విధాన కమిటీ మరికాసేపట్లో రెపో రేటును వెల్లడించనుంది.
ఆర్థిక వృద్ధి మందగమనం, ఆర్బీఐ అంచనాలకు లోబడే ద్రవ్యోల్బణం కొనసాగుతున్న నేపథ్యంలో ఈ సారీ 25 బేసిస్ పాయింట్ల రెపో కోత ఉండొచ్చనే అంచనాలున్నాయి. ఆశించినట్లే కోత ఉంటే.. 2019-20లో రెపో తగ్గించడం వరుసగా ఇది ముడో సారి అవుతుంది. ఏప్రిల్, జూన్ ద్వైమాసిక సమావేశాల్లో 25 బేసిస్ పాయింట్ల చొప్పున రెపో కోత విధించింది ఆర్బీఐ. ప్రస్తుతం రెపో రేటు 5.75 శాతంగా ఉంది.
రెపో రేటుతో పాటు వెలువడే కీలక అంశాలు..
నగదు నిల్వ నిష్పత్తి (సీఆర్ఆర్)ను 50 బేసిస్ పాయింట్లు తగ్గించి.. రూ.60,000 కోట్ల నగదును వినియోగంలోకి తీసుకువచ్చేందుకు కసరత్తు చేస్తోంది ఆర్బీఐ. దీనిపైనా స్పష్టత రానుంది.
