మే నెలలో క్షీణించిన వాహన విక్రయాలు

దేశంలో వాహనాల అమ్మకాలు మే నెలలోనూ క్షీణించినట్లు 'సియామ్' వెల్లడించింది. కార్ల అమ్మకాలు 2018 మేతో పోలిస్తే.. ఈ ఏడాది మేలో అత్యధికంగా 26.03 శాతం తగ్గినట్లు పేర్కొంది.

ఈ ఏడాది మేలో దేశీయంగా వాహనాల అమ్మకాలు గత ఏడాది ఇదే సమయంతో పోలిస్తే భారీగా తగ్గాయి. సొసైటీ ఆఫ్​ ఇండియన్ ఆటోమొబైల్ మాన్యుఫ్యాక్చరింగ్​ (సియామ్​) తాజా గణాంకాల్లో ఈ విషయాన్ని వెల్లడించింది.

విభాగాల వారీగా వాహనాల అమ్మకాలు ఇలా..

వాహనాలు

విక్రయమైన యూనిట్లు

2018 మే లో - 2019 మేలో

తగ్గుదల ప్యాసింజర్ కార్లు 3,01,238 - 2,39,347 20.55 % సాధారణ కార్లు 1,99,479 - 1,47,546 26.03 % మోటార్​ సైకిళ్లు 12,22,164 - 11,62,373 4.89% ద్విచక్ర వాహనాలు 18,50,698 - 17,26,206 6.73 %

వాణిజ్య వాహనాలు 2018 మేతో పోలిస్తే.. 2019 మేలో 10.22 శాతం తగ్గి 68,847 యూనిట్లు విక్రయమైనట్లు సియామ్​ పేర్కొంది.

కేటగిరీల వారీగా చూస్తే 2019 మేలో 20,86,358 యూనిట్లు విక్రయమైనట్లు సియామ్ తెలిపింది. 2018 మేలో అమ్ముడైన 22,83,262 యూనిట్లతో పోలిస్తే ఇవి 8.62 శాతం తక్కువ.