రిలయన్స్ రిటైల్లో అంతర్జాతీయ ఈక్విటీ సంస్థ కేకేఆర్ భారీగా పెట్టుబడులు పెట్టనుంది. రిలయన్స్ రిటైల్ వెంచర్స్ లిమిటెడ్ (ఆర్ఆర్వీఎల్)లో రూ.5,550 కోట్లతో 1.28 శాతం వాటాను కొనుగోలు చేయనుందని రిలయన్స్ ఇండస్ట్రీస్ వెల్లడించింది.
రిలయన్స్ సంస్థలో కేకేఆర్ వాటా కొనుగోలు చేయటం ఇది రెండోసారి. ఇప్పటికే రిలయన్స్ జియోలో రూ.11,367 కోట్లు పెట్టుబడులు పెట్టింది. అంతర్జాతీయ వేదికలో కేకేఆర్తో కలిసి పనిచేయటం సంతోషంగా ఉందని రిలయన్స్ అధినేత ముఖేశ్ అంబానీ వెల్లడించారు.