మార్కెట్లోకి ప్రవేశిస్తూనే ప్రత్యర్థి సంస్థలకు దడ పుట్టించిన రిలయన్స్ జియో మరో ఘనత సాధించింది. వాణిజ్య కార్యకలాపాలు ప్రారంభించిన మూడేళ్లకే 33.1 కోట్ల మంది యూజర్లతో దేశంలో అతిపెద్ద టెలికాం ఆపరేటర్గా అవతరించింది.
ఇప్పటి వరకు ప్రథమ స్థానంలో ఉన్న వొడఫోన్ ఐడియా యూజర్లు జూన్ నాటికి 32 కోట్లకు తగ్గారు. మార్చిలో ఈ సంస్థకు 33.4 కోట్ల మంది యూజర్లు ఉన్నారు. 2019-20 తొలి త్రైమాసిక ఫలితాల్లో భాగంగా ఈ గణాంకాలు వెల్లడించింది వొడాఫోన్ ఐడియా.
గత వారమే 2019-20 క్యూ1 ఫలితాలు ప్రకటించిన రిలయన్స్.. జియో యూజర్లు 33.1 కోట్లకు పెరిగినట్లు పేర్కొంది.