రిలయన్స్ జియో సంస్థ పండుగల వేళ మరో కొత్త ఆఫర్‌ ప్రకటించింది. ప్రస్తుతం రూ.1500గా ఉన్న జియో ఫోన్ను దసరా, దీపావళి పండగల సందర్భంగా రూ.699 ప్రత్యేక ధరకు విక్రయించనున్నట్లు వెల్లడించింది.
షరతులేవీ లేకుండా ఈ ప్రత్యేక ధరతో రూ.800 ఆదా చేసుకోవచ్చని ఓ ప్రకటనలో తెలిపింది జియో. ప్రస్తుతం మార్కెట్లో ఉన్న 2జీ మొబైల్స్‌తో పోల్చుకుంటే జియో ఫోన్ ధర చాలా తక్కువ. దేశంలో ఉన్న అట్టడుగు వర్గాల వారికి ఇంటర్నెట్‌ సౌకర్యం కల్పించడమే లక్ష్యంగా ఈ ఆఫర్‌ తీసుకువచ్చినట్లు జియో పేర్కొంది. దేశంలో 35 కోట్ల 2జీ వినియోగదారులు ఉండగా వారిని 4జీ దిశగా మళ్లించి అందరికీ డిజిటల్‌ పరిజ్ఞానాన్ని అందించడమే లక్ష్యంగా పెట్టుకున్నట్లు తెలిపింది.