'ఇండిగో ఎయిర్​లైన్స్' ఇయర్​ ఎండ్ ఆఫర్​ అదిరింది

దేశీయ విమానయాన దిగ్గజం 'ఇండిగో'.. ఇయర్​ ఎండ్ ఆఫర్​ను ప్రకటించింది. ఈ ఆఫర్​లో దేశీయ, అంతర్జాతీయ విమానయానానికి భారీ తగ్గింపు ధరలతో టికెట్లు విక్రయిస్తోంది. నేటి నుంచి నాలుగు రోజులపాటు అందుబాటులో ఉండే ఈ ఆఫర్​ పూర్తి వివరాలు మీ కోసం.

బడ్జెట్ విమానయాన సంస్థ 'ఇండిగో' మరో భారీ డిస్కౌంట్​ ఆఫర్​ను తీసుకొచ్చింది. "ది బిగ్​ ఫ్యాట్​ ఇండిగో సేల్ పేరుతో" అత్యంత తక్కువ ధరకు దేశీయ, అంతర్జాతీయ విమానయానానికి టికెట్లు విక్రయిస్తోంది.

ఈ ఆఫర్​లో దేశీయ విమానయాన ఛార్జీలు రూ.899, అంతర్జాతీయ విమాన ఛార్జీలు రూ.2,999 నుంచి ప్రారంభమవుతాయని ప్రకటించింది ఇండిగో. డిసెంబర్​ 23 నుంచి 26 వరకు ఈ ఆఫర్​ ఆందుబాటులో ఉండనుంది. 2020 జనవరి 15 నుంచి 2020 ఏప్రిల్ 15 మధ్య ప్రయాణం చేయాలనుకునేవారికి మాత్రమే 'ది బిగ్​ ఫ్యాట్​ ఇండిగో సేల్​' ఆఫర్​ వర్తించనుంది. అన్ని ఛానెళ్ల ద్వారా టికెట్లు బుక్​ చేసుకునే వారికి ఈ ఆఫర్ అందుబాటులో ఉంటుందని ఇండిగో తెలిపింది.

అయితే ఇండిగో అధికారిక వెబ్​సైట్​, మొబైల్​ యాప్​ ద్వారా టికెట్​ బుక్​ చేసుకునే వారికి కన్వినెన్స్​ రుసుములూ ఉండవని పేర్కొంది.

ఇతర ఆఫర్లు ఇలా..

• బ్యాంక్ ఆఫ్​ బరోడా క్రెడిట్​ కార్డు ద్వారా.. చెల్లింపులు జరిపే వారికి.. అదనంగా 15 శాతం(రూ.2,000 వరకు) క్యాష్​బ్యాక్​ లభించనుంది.
• ఫెడరల్ బ్యాంక్​ డెబిట్ కార్డు ద్వారా టికెట్​ కొనుగోలు చేసేవారు 15 శాతం (రూ.1,500 వరకు) క్యాష్​బ్యాక్​ ​పొందొచ్చు.
• ఎస్​ బ్యాంక్ క్రెడిట్​ కార్డ్​ ద్వారా చెల్లింపులు చేసే వారికి ఫ్లాట్​ రూ.2,000 క్యాష్​బ్యాక్​ లభించనుంది.

ఇదీ చూడండి:2020లో కొత్త ఉద్యోగాలు కష్టమే..!