కేఫ్ కాఫీ డే వ్యవస్థాపకుడు, ప్రముఖ వ్యాపారవేత్త వీ.జీ.సిద్ధార్థ అనుహ్య మృతి పట్ల దేశ పారిశ్రామిక రంగ దిగ్గజాలు దిగ్భ్రాంతి వ్యక్తం చేశారు. పారిశ్రామిక రంగానికి సిద్ధార్థ చేసిన కృషిని గుర్తుచేసుకున్నారు. వ్యాపార సమస్యలు వారి జీవితం మీద ప్రభావం పడకుండా చూసుకోవాలని పిలుపునిచ్చారు.
సోమవారం నుంచి కనిపించకుండా పోయిన వీజీ సిద్ధార్థ... దక్షిణ కన్నడ జిల్లాలోని నేత్రావతి నదిలో బుధవారం ఉదయం విగతజీవిగా లభ్యమయ్యారు.
ఆయన మృతికి పలువురు పారిశ్రామికవేత్తలు నివాళులర్పించారు.
"ఆదర్శవంతమైన పారిశ్రామికవేత్త. నాకు సిద్ధార్థ వ్యక్తిగతంగా తెలుసు. ఆయన ఎనర్జీ, సానుకూల దృక్పథం చూస్తే ఆశ్చర్యమేసేది."- సచిన్ బన్సల్, ఫ్లిప్కార్ట్ సహస్థాపకుడు