ఐఆర్సీటీసీలో 15-20 శాతం వాటాను ఆఫర్ ఫర్ సేల్ పద్ధతిలో (ఓఎఫ్ఎస్) విక్రయించేందుకు ప్రభుత్వం యోచిస్తోంది. సాధ్యమైనంత వరకు తక్కువ విడతల్లోనే ఈ లావాదేవీని పూర్తి చేయాలని భావిస్తోంది.
ఐఆర్సీటీసీలో వాటా విక్రయ ప్రక్రియ నిర్వహణకు మర్చంట్ బ్యాంకర్ల నుంచి బిడ్లను ప్రభుత్వ ఆస్తుల నిర్వహణ, పెట్టుబడుల విభాగం (దీపమ్) ఇప్పటికే ఆహ్వానించింది.
బిడ్ల దాఖలుకు సెప్టెంబర్ 10ని గడవు తేదీగా నిర్ణయించింది దీపమ్. ఆసక్తిగల కొనుగోలుదార్లతో ఆగస్టు 4న ప్రి-బిడ్ సమావేశం నిర్వహించింది. ఇందులో వాళ్లు లేవనెత్తిన సందేహాలపై స్పందిస్తూ వాటికి సమాధానాలను తన వెబ్సైట్లో ఉంచింది. ఎంత మేర వాటాను ప్రభుత్వం తగ్గించుకోనుందనే ప్రశ్నకు సమాధానంగా.. 15-20 శాతం ఉండొచ్చు అని పేర్కొంది.
ఇదీ చూడండి:'కీలక ఆర్థిక వ్యవస్థల్లో భారత్ అధ్వానం'