గూగుల్ కృత్రిమ మేధ(ఏఐ) విభాగంలో కీలక ఉద్యోగి టిమ్‌నిట్‌ గెబ్రూ నిష్క్రమణతో చెలరేగిన దుమారంపై సంస్థ సీఈఓ సుందర్ పిచాయ్ క్షమాపణలు చెప్పారు. గెబ్రూ నిష్క్రమణకు దారితీసిన అంశాలను కంపెనీ సమీక్షిస్తుందని ఉద్యోగులకు పంపిన సందేశంలో పేర్కొన్నారు.
ఓ పరిశోధన పత్రం విషయంలో సంస్థ యాజమాన్యానికి, గెబ్రూకు తెలత్తిన విభేదాల కారణంగా అమె గత వారం తన బాధ్యతల నుంచి తప్పుకున్నారు. అయితే కంపెనీ తనను తొలగించినట్లు అమె ఆరోపించగా.. గూగుల్ మాత్రం గెబ్రూ రాజీనామా చేసినట్లు తెలిపింది.
ఈ విషయంపై స్పందించిన సుందర్ పిచాయ్.. గెబ్రూది రాజీనామానా, తొలగింపా అనే విషయాన్ని ప్రస్తావించకుండా.. "ప్రభావవంతమైన నల్ల జాతి మహిళా నాయకురాలు గూగుల్ నుంచి అసంతృప్తిగా వైదొలగడంపై మేము నిజాలు తెలుసుకోవాల్సిన అవసరం ఉంది" అన్నారు.