సెర్చ్ ఇంజిన్ దిగ్గజం గూగుల్కు ఫ్రాన్స్ కాంపిటీషన్ అథారిటీ భారీ జరిమానా వేసింది. ఆన్లైన్ ప్రకటన విపణిలో అధికార దుర్వినియోగం చేసిన ఆరోపణలతో 150 మిలియన్ యూరోల (166 మిలియన్ డాలర్లు) అపరాధ రుసుము విధించింది.
"గూగుల్ యాడ్స్ను అర్థం చేసుకోవడం చాల క్లిష్టతరం" అని.. కంపెనీ పేర్కొంది. యాడ్స్ విషయంలో అసమానంగా, ఏకపక్షంగా వ్యవహరిస్తోందని ఫ్రాన్స్ కాంపిటీషన్ అథారిటీ ఆరోపించింది.
యాడ్స్ను ఎలా ఉపయోగిస్తోంది? ఖాతాలను నిలిపివేసేందుకు ఎలాంటి విధానాలు పాటిస్తోందో తెలపాలని గూగుల్ను ఆదేశించింది.
తాజా జరిమానాతో గూగుల్ ఐరోపాలో ఇటీవల పలు జరిమానాలు చెల్లించాల్సి వచ్చింది.
దీనిపై స్పందించిన గూగుల్.. తాజా జరిమానాపై అప్పీల్కు వెళ్తామని పేర్కొంది. గూగుల్ యాడ్ నిబంధనలు వినియోగదారులను దోపిడి, అసభ్య ప్రకటనల నుంచి రక్షించేందుకు రూపొందించినట్లు స్పష్టం చేసింది.
ఇదీ చూడండి:'ఆల్ఫాబెట్ సీఈఓ'గా సుందర్ పిచాయ్ పారితోషికం తెలుసా?