'బిట్​కాయిన్​తోనూ టెస్లా కారు కొనొచ్చు'

టెస్లా కార్లను బిట్​కాయిన్​ ద్వారా కొనుగోలు చేయొచ్చని ఆ సంస్థ అధినేత ఎలాన్ మస్క్​ ట్విటర్​లో పేర్కొన్నారు. ప్రస్తుతం ఈ సదుపాయం అమెరికాలోనే ఉందని అన్నారు.

టెస్లా విద్యుత్ కార్లను బిట్​కాయిన్​ ద్వారా కొనుగోలు చేయొచ్చని ఆ సంస్థ అధినేత ఎలాన్ మస్క్ వెల్లడించారు. ప్రస్తుతం అమెరికాలోనే అందుబాటులో ఉన్న ఈ సదుపాయాన్ని ఏడాది తర్వాత ఇతర దేశాల్లోని వారికీ వర్తింపజేస్తామని పేర్కొంటూ ఆయన ట్వీట్ చేశారు. టెస్లా కార్ల కోసం చెల్లించిన బిట్​కాయిన్లను తిరిగి సంప్రదాయ కరెన్సీలోకి మార్చుకోబోమని వివరించారు.

గత నెలలో 1.5 బిలియన్​ డాలర్ల విలువైన బిట్​కాయిన్​లను టెస్లా కొనుగోలు చేసింది. ఈ పరిణామం తర్వాత బిట్​కాయిన్ విలువ మరింతగా పెరిగింది. మరోవైపు ట్విటర్ ఖాతా ద్వారా క్రిప్టోకరెన్సీలకు మరింతగా ప్రచారాన్ని ఎలాన్ మస్క్ చేపడుతున్నారు.

ఇదీ చదవండి:'10 గ్రాముల పసిడీ డిపాజిట్‌ చేయొచ్చు'