12:17 October 30
మిడ్ సెషన్లో అమ్మకాల ఒత్తిడి..
స్టాక్ మార్కెట్లు భారీ నష్టాల్లోకి జారుకున్నాయి. సెన్సెక్స్ 350 పాయింట్లకుపైగా కోల్పోయి.. 39,400 దిగువన ట్రేడవుతోంది. నిఫ్టీ దాదాపు 100 పాయింట్ల నష్టంతో 11,573 వద్ద కొనసాగుతోంది.
టెలికాం, బ్యాంకింగ్ షేర్లలో మిడ్ సెషన్లో అమ్మకాల ఒత్తిడి నష్టాలకు కారణంగా తెలుస్తోంది.
11:05 October 30
మళ్లీ నష్టాలు..
స్టాక్ మార్కెట్లు మళ్లీ నష్టాల్లోకి జారుకున్నాయి. సెన్సెక్స్ దాదాపు 100 పాయింట్లు తగ్గి 39,650 వద్ద కొనసాగుతోంది. నిఫ్టీ 15 పాయింట్ల స్వల్ప నష్టంతో 11,655 వద్ద ట్రేడవుతోంది.
ఆర్థిక షేర్లు అమ్మకాల ఒత్తిడిని ఎదుర్కొంటున్నాయి.
09:39 October 30
నిఫ్టీ 70 ప్లస్..
స్టాక్ మార్కెట్లు సానుకూలంగా స్పందిస్తున్నాయి. సెన్సెక్స్ 190 పాయింట్లకుపైగా పెరిగి 39,946 వద్ద ట్రేడవుతోంది. నిఫ్టీ దాదాపు 70 పాయింట్లకుపైగా లాభంతో 11,738 వద్ద కొనసాగుతోంది.
హెవీ వెయిట్ షేర్లు చాలా వరకు సానుకూలంగా స్పందిస్తుండటం సహా దాదాపు అన్ని రంగాల్లోని కంపెనీలకు కొనుగోళ్ల మద్దతు లభిస్తోంది. మూడో త్రైమాసికంలో అమెరికా ఆర్థిక వ్యవస్థ గణనీయమైన వృద్ధి రేటును నమోదు చేసినట్లు ప్రకటన వెలువడటం అంతర్జాతీయంగా సానుకూలంగా మారిన అంశం. ఈ పరిణామాలన్నీ లాభాలకు కారణంగా తెలుస్తోంది.
08:53 October 30
వారాంతపు సెషన్లో ఊగిసలాట
దేశీయ స్టాక్ మార్కెట్లు వారాంతపు సెషన్లో లాభ నష్టాల మధ్య ఊగిసలాడుతున్నాయి. ఆరంభంలో నష్టాల దిశగా కదిలిన బీఎస్ఈ-సెన్సెక్స్ 90 పాయింట్లకుపైగా పెరిగి 39,839 వద్ద కొనసాగుతోంది. ఎన్ఎస్ఈ-నిఫ్టీ 10 పాయింట్లకుపైగా స్వల్ప లాభంతో 11,683 వద్ద ట్రేడవుతోంది.