స్టాక్ మార్కెట్లు సోమవారం భారీ లాభాలు గడించాయి. బీఎస్ఈ-సెన్సెక్స్ 610 పాయింట్లు బలపడి చరిత్రలో తొలిసారి 52,154 వద్ద స్థిరపడింది. ఎన్ఎస్ఈ-నిఫ్టీ 151 పాయింట్లు పెరిగి జీవనకాల గరిష్ఠమైన 15,315 వద్దకు చేరింది.
'జనవరిలో రిటైల్ ద్రవ్యోల్బణం భారీగా తగ్గింది. జీఎస్టీ వసూళ్లు, వాహన విక్రయాలు సానుకూలంగా నమోదయ్యాయి. ఈ గణాంకాలు ఆర్థిక వ్యవస్థ రికవరీపై భారీ ఆశలు పెంచాయి. ఈ సానుకూలతలతో బ్యాంకింగ్, వాహన రంగాల్లో భారీగా కొనుగోళ్లు నమోదయ్యాయి. ఫలితలంగా సూచీలు రికార్డు స్థాయిలకు చేరాయి.' అని విశ్లేషకులు చెబుతున్నారు.
ఇంట్రాడే సాగిందిలా..
సెన్సెక్స్ 52,235 పాయింట్ల అత్యధిక స్థాయి (జీవనకాల గరిష్ఠం), 51,886 పాయింట్ల అత్యల్ప స్థాయిలను నమోదు చేసింది.
నిఫ్టీ 15,340 పాయింట్ల గరిష్ఠ స్థాయి (సరికొత్త రికార్డు స్థాయి), 15,243 పాయింట్ల కనిష్ఠ స్థాయిల మధ్య కదలాడింది.