వారాంతంలో నయా జోష్​-భారీ లాభాల్లో ముగిసిన మార్కెట్లు

15:44 March 20

వారాంతంలో కొత్త ఉత్సాహం..

వారాంతంలో స్టాక్ మార్కెట్లు భారీ లాభాలతో ముగిశాయి. ఆర్థిక వ్యవస్థకు ఊతమందించే చర్యలుంటాయన్న ప్రధాని నరేంద్ర మోదీ ప్రకటన, ప్రపంచ మార్కెట్ల సానుకూలతలతో సూచీలు నేడు దూసుకెళ్లాయి. 

సెన్సెక్స్ 1,628 పాయింట్లు బలపడి..29,916 వద్ద స్థిరపడింది. నిఫ్టీ 482 పాయింట్ల వృద్ధితో 8,745 వద్దకు చేరింది.

13:45 March 20

30 షేర్ల ఇండెక్స్

అన్ని షేర్లు లాభాల్లోనే..

స్టాక్ మార్కెట్లు భారీ లాభాల్లో కొనసాగుతున్నాయి. కరోనా నేపథ్యంలో జరిగిన ఆర్థిక నష్టానికి ప్రభుత్వ సంస్కరణలు ఉంటాయని చాలా దేశాలు ప్రకటించడం కారణంగా మదుపరులు ఉత్సాహంగా పెట్టుబడులు పెడుతున్నారు. వీటికి తోడు అమెరికా మార్కెట్లు చివరి సెషన్​లో లాభాలను నమోదు చేయడం కూడా కలిసొస్తున్నట్లు విశ్లేషకులు అభిప్రాయపడుతున్నారు.

సెన్సెక్స్ ప్రస్తుతం 1,980 పాయింట్లకు పైగా లాభంతో 30,270 వద్ద ట్రేడవుతోంది. నిఫ్టీ 560 పాయింట్లు వృద్ధి చెంది 8,820 వద్ద కొనసాగుతోంది.  

30 షేర్ల ఇండెక్స్​లో​ అన్ని కంపెనీలు లాభాల్లో కొనసాగుతున్నాయి.

13:36 March 20

దూకుడు..

స్టాక్ మార్కెట్లలో దూకుడు కొనసాగుతోంది. సెన్సెక్స్​ ఏకంగా 1,850 పాయింట్లకు పైగా లాభంతో తిరిగి 30 వేల మార్క్​ను అందుకుంది. ప్రస్తుతం 30,135 వద్ద ట్రేడవుతోంది. నిఫ్టీ 530 పాయింట్లకు పైగా వృద్ధితో 8,800 వద్ద కొనసాగుతోంది.

30 షేర్ల ఇండెక్స్​లో ఇండస్ఇండ్ బ్యాంక్​​ తప్ప మిగతా అన్ని కంపెనీలు లాభాల్లో ఉన్నాయి. ఓఎన్​జీసీ, టీసీఎస్, ఇన్ఫోసిస్, హెచ్​యూఎల్​, అల్ట్రాటెక్ సిమెంట్​ షేర్లు భారీ లాభాల్లో కొనసాగుతున్నాయి.

13:27 March 20

లాభాల పరంపర..

స్టాక్ మార్కెట్లలో లాభాల పరంపర కొనసాగుతోంది. సెన్సెక్స్ 1,570 పాయింట్లకు పైగా వృద్ధితో.. 29,860 వద్ద ట్రేడవుతోంది. నిఫ్టీ 460 పాయింట్లకు పైగా లాభంతో 8,720 వద్ద ట్రేడింగ్​ సాగిస్తోంది..

12:31 March 20

ఆశలు చిగురించి కొనుగోళ్లు..

స్టాక్ మార్కెట్లలో లాభాల జోరు కొనసాగుతోంది. సెన్సెక్స్ ఏకంగా 1,239 పాయింట్లకు పైగా లాభంతో 29,528 వద్ద ట్రేడవుతోంది. నిఫ్టీ 394 పాయింట్లు బలపడి 8,658 పాయింట్ల వద్ద ట్రేడింగ్ సాగిస్తోంది. కొవిడ్ 19 నేపథ్యంలో ప్రపంచ దేశాలు ఆర్థిక సంస్కరణలకు సిద్ధమవుతున్నాయి. ఈ తరుణంలో మదుపరుల్లో కొత్త ఆశలు చిగురించి కొనుగోళ్లపై దృష్టి సారిస్తున్నారు.

12:05 March 20

లాభాల జోరు..

స్టాక్ మార్కెట్లకు వరుస నష్టాల నుంచి కాస్త ఉపశమనం లభిస్తోంది. కరోనా నేపథ్యంలో కుదేలవుతున్న ఆర్థిక వ్యవస్థను గాడిన పెట్టేందుకు ఉద్దీపనలు ఉంటాయని ప్రధాని నరేంద్ర మోదీ ప్రకటించడం నేటి లాభాలకు కారణం. ప్రస్తుత సెషన్​లో ప్రైవేటు బ్యాంకింగ్ రంగం మినహా అన్ని రంగాలు సానుకూలంగా కొనసాగుతున్నాయి.  

సెన్సెక్స్ 820 పాయింట్లకు పైగా లాభపడింది. ప్రస్తుతం 29,109 వద్ద ట్రేడవుతుంది. నిఫ్టీ 233 పాయింట్లకు పైగా బలపడి.. 8,496 వద్ద కొనసాగుతోంది.

సెన్సెక్స్​లో ఓఎన్​జీసీ అత్యధిక లాభాల్లో ఉంది. ఐటీ రంగ దిగ్గజాలు హెచ్​సీఎల్​టెక్​, టీసీఎస్​, టెక్​ మహీంద్రా, ఇన్ఫోసిస్​ లాభాలకు ఊతమందిస్తున్నాయి.

హెచ్​డీఎఫ్​సీ బ్యాంక్, ఇండస్​ఇండ్​ బ్యాంక్, ఐసీఐసీఐ బ్యాంక్, కోటక్ మహీంద్రా బ్యాంక్​లు నష్టాల్లో కొనసాగుతున్నాయి.

11:34 March 20

స్టాక్ మార్కెట్లు లాభాల్లో ట్రేడవుతున్నాయి. సెన్సెక్స్ 450 పాయింట్లకుపైగా లాభంతో 28 వేల 770 వద్ద కొనసాగుతోంది. నిఫ్టీ 170 పాయింట్ల వృద్ధితో 8 వేల 430 వద్ద ట్రేడవుతోంది.

10:36 March 20

మళ్లీ లాభాల్లోకి వచ్చిన స్టాక్​ మార్కెట్లు

దేశీయ స్టాక్​మార్కెట్లు మళ్లీ లాభాల్లోకి వచ్చాయి. కరోనా భయాలతో మదుపరులు అయోమయానికి గురవుతున్న నేపథ్యంలో దేశీయ స్టాక్​మార్కెట్లు తీవ్ర ఒడుదొడుకుల్ని ఎదుర్కొంటున్నాయి.  

బొంబాయి స్టాక్​ ఎక్స్ఛేంజి సూచీ సెన్సెక్స్ 389 పాయింట్లు వృద్ధి చెంది 28 వేల 677 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 112 పాయింట్లు లాభపడి 8 వేల 385 వద్ద ట్రేడవుతోంది.

09:53 March 20

నష్టాల్లోకి జారుకుంటున్న స్టాక్​ మార్కెట్లు

స్టాక్​మార్కెట్లు మళ్లీ నష్టాల్లోకి జారుకుంటున్నాయి. కరోనా భయాలు చుట్టుముడుతున్న వేళ మదుపరులు భయాందోళనలకు గురవుతుండడమే ఇందుకు కారణం.

బొంబాయి స్టాక్​ ఎక్స్ఛేంజి సూచీ సెన్సెక్స్ 50 పాయింట్లు కోల్పోయి 28 వేల 237 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 5 పాయింట్లు కోల్పోయి 8 వేల 254 వద్ద ట్రేడవుతోంది.

09:22 March 20

వరుసగా 4 రోజుల నష్టాల నుంచి స్వల్ప లాభాల్లో..

వరుసగా నాలుగు రోజుల పాటు నష్టపోయిన స్టాక్​ మార్కెట్లు.. ఇవాళ స్వల్ప లాభాలతో ప్రారంభమయ్యాయి. కరోనా భయాలతో షేర్ల ధరలు భారీగా పడిపోయిన నేపథ్యంలో మదుపరులు కొనుగోళ్లకు మొగ్గు చూపుతుండడమే ఇందుకు కారణం.

బొంబాయి స్టాక్​ ఎక్స్ఛేంజి సూచీ సెన్సెక్స్ 272 పాయింట్లు వృద్ధి చెంది 28 వేల 561 వద్ద కొనసాగుతోంది. జాతీయ స్టాక్ ఎక్స్ఛేంజి సూచీ నిఫ్టీ 79 పాయింట్లు లాభపడి 8 వేల 342 వద్ద ట్రేడవుతోంది.

లాభ నష్టాల్లో

పవర్​గ్రిడ్ కార్ప్, ఐటీసీ,  రిలయన్స్​, ఓఎన్​జీసీ, బజాజ్​ ఆటో, ఐటీసీ, సన్​ ఫార్మా, హెచ్​యూఎల్​ రాణిస్తున్నాయి.

హెచ్​డీఎఫ్​సీ బ్యాంకు, హెచ్​డీఎఫ్​సీ, ఇండస్​ఇండ్​ బ్యాంకు, ఐసీఐసీఐ బ్యాంకు, టైటాన్​, కోటక్ బ్యాంకు, బజాజ్ ఫైనాన్స్ నేలచూపులు చూస్తున్నాయి.

ఆసియా మార్కెట్లు

హాంగ్​సెంగ్​, కోస్పీ, షాంగై కాంపోజిట్ లాభాల్లో కొనసాగుతుండగా నిక్కీ మాత్రం నష్టాల్లో ట్రేడవుతోంది.