15:45 June 25
రెండో రోజూ నష్టాలు..
కరోనా భయాలతో స్టాక్ మార్కెట్లు వరుసగా రెండో రోజూ నష్టాలతో ముగిశాయి. సెన్సెక్స్ 27 పాయింట్లు కోల్పోయి 34,842 వద్దకు చేరింది. నిఫ్టీ 16 పాయింట్ల స్వల్ప నష్టంతో 10,289 వద్ద స్థిరపడింది.
12:26 June 25
ఐటీ, బ్యాంకింగ్ ఊగిసలాట..
స్టాక్ మర్కెట్లు మళ్లీ నష్టాల్లోకి జారుకున్నాయి. మిడ్ సెషన్ తర్వాత అమ్మకాలు వెల్లువెత్తడం వల్ల సెన్సెక్స్ 170 పాయింట్లు కోల్పోయి 34,700 వద్ద ట్రేడవుతోంది. నిఫ్టీ 40 పాయింట్లకుపైగా నష్టంతో 10,260 వద్ద ట్రేడవుతోంది.
10:59 June 25
తేరుకున్న సూచీలు..
స్టాక్ మర్కెట్లు నష్టాల నుంచి తేరుకున్నాయి. ఆర్థిక రంగంలో ఒక్కసారిగా పెరిగిన సానుకూలతలతో సూచీలు లాభాల్లోకి మళ్లాయి. సెన్సెక్స్ ప్రస్తుతం 100 పాయింట్లకుపైగా లాభంతో 34,971 వద్ద ట్రేడవుతోంది. నిఫ్టీ 30 పాయింట్లు పుంజుకుని 10,333 వద్ద కొనసాగుతోంది.
10:03 June 25
10,300 దిగువకు నిఫ్టీ
స్టాక్ మార్కెట్లలో అమ్మకాల ఒత్తిడి కొనసాగుతోంది. ఆరంభంలోనే భారీ నష్టాలను నమోదు చేశాయి సూచీలు. సెన్సెక్స్ ప్రస్తుతం 100 పాయింట్లకుపైగా నష్టంతో 34,766 వద్ద ట్రేడవుతోంది. నిఫ్టీ 20 పాయింట్లకుపైగా కోల్పోయి 10,282 వద్ద ట్రేడవుతోంది.
09:26 June 25
నష్టాల్లో మార్కెట్లు
కరోనా కేసుల పెరుగుదల, అంతర్జాతీయ మార్కెట్ల నుంచి ప్రతికూల పవనాలతో దేశీయ మార్కెట్లు నష్టాల్లో ప్రారంభమయ్యాయి. బొంబాయి స్టాక్ ఎక్చ్సేంజి సూచీ సెన్సెక్స్ 339 పాయింట్లు నష్టంతో 34,525 వద్ద ట్రేడవుతోంది. జాతీయ స్టాక్ ఎక్స్చేంజి సూచీ నిఫ్టీ 99 పాయింట్ల క్షీణతతో 10,206 వద్ద కొనసాగుతోంది.
