వృద్ధి మందగమనంతో మార్కెట్ల నేలచూపులు

అంతర్జాతీయ ఆర్థిక వృద్ధిపై ఆందోళన నెలకొనడం, దేశ వృద్ధి రేటు ఆరేళ్ల కనిష్ఠానికి పడిపోవడం కారణంగా స్టాక్​ మార్కెట్లు నష్టాల్లో కొనసాగుతున్నాయి. బాంబే స్టాక్​ ఎక్స్ఛేంజి సూచీ సెన్సెక్స్ 372 పాయింట్ల నష్టంతో 36,961 వద్ద ట్రేడవుతోంది. జాతీయ స్టాక్ ఎక్స్ఛేంజీ సూచీ నిఫ్టీ 102 పాయింట్ల నష్టంతో 10,921 వద్ద కొనసాగుతుంది.

దేశీయ స్టాక్ మార్కెట్లు నష్టాల్లో కొనసాగుతున్నాయి. అంతర్జాతీయ విపణుల నుంచి ప్రతికూల సంకేతాలు సహా దేశ వృద్ధిరేటు ఆరేళ్ల కనిష్ఠానికి, తయారీ రంగ వృద్ధి 15నెలల కనిష్ఠానికి పడిపోవడం, బొగ్గు, ముడి చమురు, సహజవాయువు వంటి 8 కీలక రంగాల్లో మందగమనం... తాజా నష్టాలకు ప్రధాన కారణం.

బొంబాయి స్టాక్ ఎక్స్ఛేంజి సూచీ- సెన్సెక్స్ 372 పాయింట్ల నష్టంతో 36,961 వద్ద ట్రేడవుతోంది. జాతీయ స్టాక్ ఎక్స్ఛేంజి సూచీ- నిఫ్టీ 102 పాయింట్ల నష్టంతో 10,921గా కొనసాగుతోంది.

లాభాల్లో ఉన్న షేర్లు...

టెక్​ మహీంద్రా, ఎస్​ బ్యాంక్, ఇన్​ఫ్రాటెల్, హెసీఎల్ టెక్​, టీసీఎస్, కోల్ ఇండియా షేర్లు లాభాల్లో కొనసాగుతున్నాయి.

నష్టాల్లో ఉన్న షేర్లు...

టాటా మోటార్స్, బీపీసీఎల్, టైటాన్, ఓఎన్​జీసీ, హెచ్​డీఎఫ్​సీ, ఎం అండ్ ఎం షేర్లు నష్టాల్లో ట్రేడవుతున్నాయి.

నష్టాల్లో రూపాయి...

అమెరికా డాలరు మారకంలో రూపాయి విలువ మరింత క్షీణించింది. 70 పైసలు నష్టపోయి 72. 33కు చేరింది.

ఇదీ చూడండి: 'ఆధార్​ ఉంటే పాన్​ కార్డ్ ఆటోమేటిక్​గా వచ్చేస్తుంది'