15:45 November 13
43,400పైకి సెన్సెక్స్..
వారాంతపు సెషన్లో స్టాక్ మార్కెట్లు లాభాలతో ముగిశాయి. సెన్సెక్స్ 86 పాయింట్లు బలపడి చివరకు 43,443 వద్దకు చేరింది. నిఫ్టీ 29 పాయింట్ల లాభంతో 12,720 వద్ద స్థిరపడింది.
ఇటీవల అమ్మకాల ఒత్తిడి ఎదుర్కొన్న ఆర్థిక షేర్లు తిరిగి పుంజుకోవడం లాభాలకు ప్రధాన కారణం
15:00 November 13
మళ్లీ లాభాలు..
ఆరంభం నుంచే ఒడుదొడుకుల్లో ట్రేడవుతున్న స్టాక్ మార్కెట్లు.. చివర గంటలో లాభాల్లో స్థిరంగా కొనసాగుతున్నాయి. సెన్సెక్స్ 100 పాయింట్లకుపైగా బలపడి 43,463 వద్ద ట్రేడవుతోంది. నిఫ్టీ 30 పాయింట్లకుపైగా పెరిగి 12,723 వద్ద కొనసాగుతోంది.
11:38 November 13
నష్టాల్లో మార్కెట్లు..
స్టాక్ మార్కెట్లు మళ్లీ ఒడుదొడుకుల్లోకి జారుకున్నాయి. సెన్సెక్స్ దాదాపు 60 పాయింట్లు కోల్పోయి 43,299 వద్ద ట్రేడవుతోంది. నిఫ్టీ దాదాపు 10 పాయింట్ల స్వల్ప నష్టంతో 12,681 వద్ద కొనసాగుతోంది.
10:44 November 13
12,700 పైకి నిఫ్టీ..
స్టాక్ మార్కెట్లు నష్టాల నుంచి తేరుకుని లాభాల్లో కొనసాగుతున్నాయి. సెన్సెక్స్ 30 పాయింట్ల స్వల్ప లాభంతో ప్రస్తుతం 43,378 వద్ద ట్రేడవుతోంది. నిఫ్టీ స్వల్పంగా 15 పాయింట్లు బలపడి 12,705 వద్ద కొనసాగుతోంది.
రిలయన్స్ ఇండస్ట్రీస్ వంటి హెవీ వెయిట్ షేర్లు పుంజుకోవడం లాభాలకు కారణంగా తెలుస్తోంది.
09:03 November 13
రెండో రోజూ నష్టాల్లో సూచీలు..
స్టాక్ మార్కెట్లు వారాంతపు సెషన్లో నష్టాల్లో ట్రేడవుతున్నాయి. బీఎస్ఈ-సెన్సెక్స్ 240 పాయింట్లకుపైగా నష్టంతో 43,113 వద్ద కొనసాగుతోంది. ఎన్ఎస్ఈ-నిఫ్టీ దాదాపు 70 పాయింట్లు తగ్గి 12,621 వద్ద ట్రేడవుతోంది. మార్కెట్లు నష్టాల్లో ట్రేడవుతుండటం వరుసగా ఇది రెండో రోజు.
ఆర్థిక మాంద్యం భయాలు, అంతర్జాతీయ మార్కెట్ల అనిశ్చితి నష్టాలకు కారణంగా తెలుస్తోంది. ఆర్థిక షేర్లు ప్రధానంగా నష్టాల్లో ఉన్నాయి.