SBI FD Rates: స్టేట్‌ బ్యాంక్‌ ఆఫ్‌ ఇండియా రూ.2 కోట్లకు పైబడిన ఫిక్స్డ్ డిపాజిట్లపై వడ్డీ రేట్లను 20-40 బేసిస్‌ పాయింట్ల మేరకు పెంచినట్లు వెల్లడించింది. ఈ నెల 10 నుంచి ఇది అమల్లోకి వచ్చిందని తన వెబ్‌సైట్లో పేర్కొంది. 211 రోజుల వ్యవధి డిపాజిట్లపై 3.30 శాతం, సీనియర్‌ సిటిజన్లకు 3.80శాతం వడ్డీ చెల్లిస్తోంది.
ఏడాది నుంచి 10 ఏళ్ల వ్యవధి డిపాజిట్లపై 3.60శాతం, వయోధికులకు 4.10శాతం వడ్డీ లభిస్తుంది. ఇక రూ.2 కోట్లలోపున్న డిపాజిట్లపై రెండు- మూడేళ్ల కాలవ్యవధికి 5.20శాతం, మూడు నుంచి ఐదేళ్లలోపు డిపాజిట్లపై 5.45శాతం వడ్డీని అందిస్తోంది. 5-10 ఏళ్ల వ్యవధి డిపాజిట్లపై 5.50శాతం వడ్డీనిస్తోంది.
ఇదీ చూడండి :పేటీఎంకు ఆర్బీఐ షాక్‌- కొత్త కస్టమర్లు చేర్చుకోవడంపై బ్యాన్