వంటగ్యాస్, విమాన ఇంధనాల ధరల్ని సవరించాయి దేశీయి చమురు సంస్థలు. అంతర్జాతీయ ధరలకు అనుగుణంగా ఈ మార్పులు చేశాయి.
వంటగ్యాస్ ధర స్వల్పంగా...
రాయితీ సిలిండర్పై 28 పైసలు, రాయితీలేని సిలిండర్లపై రూ.6 ధర పెంచాయి చమురు సంస్థలు. పెరిగిన ధరతో రాయితీ సిలిండర్ దిల్లీలో ప్రస్తుతం రూ.496.14కి లభించనుంది. రాయితీ లేని సిలిండర్ ధర రూ.712.50కు చేరింది.
ఎల్పీజీ ధరలు పెరగటం కూడా వరుసగా ఇది మూడో నెల. 2014తో పోల్చుకుంటే రాయితీ సిలిండర్పై ఇప్పటి వరకు రూ.82 ధర పెరిగింది. కిరోసిన్ ధరలనూ స్వల్పంగా పెంచాయి చమురు సంస్థలు.
ఏటీఎఫ్ ధరలు పైపైకి
విమానాల్లో వాడే ఇంధనం (ఏటీఎఫ్) ధర 2.5 శాతం (కిలో లీటర్కు రూ.1,595.63) పెరిగింది. ప్రస్తుతం కిలో లీటర్ ఏటీఎఫ్ ధర రూ.65,067.85కి చేరింది. ఏటీఎఫ్ ధరలు పెరగటం వరుసగా ఇది మూడో నెల. ఏప్రిల్లో దాదాపు ఒక శాతం... మార్చిలో అత్యధికంగా 8.1 శాతం ధర పెరిగింది.
ఇప్పటికే ఆర్థికపరమైన ఇబ్బందులు ఎదుర్కొంటున్న దేశీయ విమాన సంస్థలకు ఏటీఎఫ్ ధరల్లో పెరుగుదల మరింత భారంగా మారనుంది.
