ఈపీఎఫ్ చందాదారుల డిపాజిట్లపై ప్రస్తుత ఆర్థిక సంవత్సరంలో వడ్డీ రేటు యథాతథంగా ఉంచనున్నట్లు తెలుస్తోంది. ఆరు కోట్ల మందికి లబ్ధిచేకూరే విధంగా కార్మిక మంత్రిత్వ శాఖ 8.65 శాతం వడ్డీని ఇచ్చేందుకే సుముఖంగా ఉన్నట్లు విశ్వసనీయ వర్గాల సమాచారం. 2018-19 ఆర్థిక సంవత్సరానికి గాను 8.65 శాతం వడ్డీని ఇచ్చిన విషయం తెలిసిందే.
ఉద్యోగుల భవిష్య నిధి సంఘం (ఈపీఎఫ్ఓ)... సెంట్రల్ బోర్డ్ ఆఫ్ ట్రస్టీస్(సీబీటీ) ఈ నెల 5న సమావేశం కానుంది. ఈ భేటీలో వడ్డీ రేటును నిర్ణయించే అంశం చర్చకు రావొచ్చని తెలుస్తోంది.