భారత్లో డేటా విప్లవానికి నాంది పలికిన నెట్వర్క్ రిలయన్స్ జియో. ఇతర నెట్వర్క్లకు కాల్ చేసేందుకు నిమిషానికి 6 పైసలు వడ్డింపుతో వినియోగదారుల నుంచి తీవ్ర విమర్శలు ఎదుర్కొందీ సంస్థ. కొంతమంది వినియోగదారులు జియోను వదిలేస్తున్న విషయాన్ని గమనించి నష్ట నివారణ చర్యల వైపు అడుగులు వేసింది. డేటాతో పాటు ఇతర నెట్వర్క్లకు కాల్ చేసేందుకు ఉచితంగా వెయ్యి నిమిషాల బ్యాలెన్స్ అందిస్తూ నూతన టారిఫ్ ప్లాన్లు ప్రకటించింది.
టారిఫ్లు ఇవీ..
మూడు నెలలపాటు 2జీబీ డేటాను అందించే రూ. 448 ప్రణాళికను రూ. 444గా మార్చింది జియో. ఈ డేటాతో పాటు ఇతర నెట్వర్క్లకు కాల్ చేసేందుకు రూ. 80 విలువ చేసే వెయ్యి నిమిషాలను ఉచితంగా అందించనుంది.
రెండు నెలల 2జీబీ డేటా ప్లాన్ను రూ. 333కు..., రూ. 198 గా ఉన్న నెల రోజుల ప్లాన్ను రూ. 222 కు మార్చింది జియో. ఈ ప్లాన్లతో పాటు రూ. 80 విలువ చేసే వెయ్యి నిమిషాల ఇతర నెట్వర్క్ నిమిషాలను అందించనుంది. ఈ ప్లాన్తో జియో టూ జియో అపరిమిత ఉచిత కాల్స్ అదనం.
పోటీ నెట్వర్క్లతో పోలిస్తే తక్కువే..
నూతన టారిఫ్ ధరలతో ఇప్పటికీ తామే దిగ్గజాలమని చాటుకుంటోందీ డేటా దిగ్గజం. ఇతర నెట్వర్క్లతో పోలిస్తే తక్కువ ధరల్లోనే ఈ టారిఫ్లను అందిస్తోంది.
నెల రోజుల ప్లాన్లో జియో నూతన టారిఫ్ ధర రూ. 222 కాగా ఎయిర్టెల్ రూ. 249కు 2 జీబీ డేటా, వొడాఫోన్ రూ. 255తో 2.5జీబీ డేటా అందిస్తున్నాయి. అయితే మిగతా నెట్వర్క్లు అపరిమిత ఉచిత కాల్స్ అందిస్తుండగా.. జియోలో వెయ్యి నిమిషాల కంటే ఎక్కువ మాట్లాడాలనుకుంటే మాత్రం మరికొంత ధర చెల్లించక తప్పదు.
ఇదీ చూడండి: ఓటేసేందుకు హరియాణా సీఎం 'ఆకర్ష' ప్రయాణం
