టాటా గ్రూప్కు చెందిన రతన్ టాటా, జేఆర్డీ టాటా, దోరాబ్జీ టాటా ట్రస్టులకు పన్ను మినహాయింపును 'ది ఇన్కం ట్యాక్స్ అప్పీలేట్ ట్రైబ్యునల్(ఐటీఏటీ)' సమర్థించింది. ఈ మూడు ట్రస్టులు టాటా సన్స్ షేర్లు కలిగి ఉన్నాయనే కారణంతో పన్ను మినహాయింపు రద్దు చేస్తూ ఆదాయపన్ను శాఖ జారీ చేసిన ఉత్తర్వులను కొట్టివేసింది. ఐటీఏటీ అధ్యక్షుడు జస్టిస్ ఆర్పీ భట్, ఉపాధ్యక్షుడు ప్రమోద్ కుమార్ల నేతృత్వంలోని ధర్మాసనం ఈ మేరకు డిసెంబర్ 28న మూడు వేర్వేరు ఆదేశాలు జారీ చేసింది.
టాటా ట్రస్టులకు పన్ను మినహాయింపును సమర్థించిన ఐఈఏటీ - tata trusts tax exemption news
టాటాగ్రూప్ ట్రస్టులకు ఊరట లభించింది. రతన్ టాటా ట్రస్టు, జేఆర్డీ టాటా ట్రస్టు, దోరాబ్జి టాటా ట్రస్టులకు పన్ను మినహాయింపును ఐటీఏటీ సమర్థించింది. ఈ మూడు ట్రస్టులకు పన్న మినహాయింపును రద్దు చేస్తూ ఆదాయ పన్ను శాఖ జారీ చేసిన ఆదేశాలను కొట్టివేసింది.
టాటా ట్రస్టులకు పన్ను మినాయింపును సమర్థించిన ఐఈఏటీ
మూడు ట్రస్టులు టాటా సన్స్లో వాటాలు కలిగి ఉండి పన్ను మినహాయింపు పొందడం నిబంధనలకు విరుద్ధమని పేర్కొంటూ 2019 మేలో ఆదాయపన్ను శాఖ ఆదేశాలు జారీ చేసింది. ఇక నుంచి పన్ను మినహాయింపు రద్దు చేస్తామని పేర్కొంది. దీనిపై ఐటీఏటీని ఆశ్రయించిన టాటా గ్రూప్నకు ఊరట లభించింది. పన్ను మినహాయింపు రద్ధు చేయాలనే ఐటీ శాఖ నిర్ణయానికి చట్టబద్ధంగా స్థిరమైన యోగ్యత లేదని ఐటీఏటీ స్పష్టం చేసింది.
టాటా సన్స్ ఛైర్మన్ పదవి నుంచి తొలగించిన తర్వాత వారం రోజుల గడవక ముందే అనధికారికంగా ఆదాయపన్ను శాఖకు పత్రాల సమర్పించిన సైరస్ మిస్త్రీ చర్యలను ఐటీఏటీ తీవ్రంగా తప్పుబట్టింది. కార్పొరేట్ ప్రపంచంలోనే ఎన్నడూ వినని విధంగా మిస్త్రీ ప్రవర్తించారని వ్యాఖ్యానించింది.