కొవిడ్-19 చికిత్సలో ఉపయోగించే హైడ్రాక్సీక్లోరోక్విన్ ఔషధాన్ని విదేశీ ప్రభుత్వాలకు మాత్రమే సరఫరా చేస్తోంది కేంద్రం. ప్రైవేటు సంస్థలకు మాత్రం అందించడంలేదని విశ్వసనీయ వర్గాల సమాచారం. ఈ ఔషధం ఇంకా నిషేధిత ఎగుమతుల విభాగంలో ఉండడమే ఇందుకు కారణంగా తెలుస్తోంది.
"హైడ్రాక్సీక్లోరోక్విన్ నిషేధిత వస్తువుల జాబితాలోనే కొనసాగుతోంది. ప్రైవేట్-ప్రైవేట్ కంపెనీ లేదా దేశీయ ఎగుమతిదారుల నుంచి విదేశీ దిగుమతిదారులు మధ్య ఈ ఔషధ వాణిజ్యం నిషేధం. అయితే ఈ సంక్షోభ సమయంలో ప్రపంచ దేశాలకు సాయపడడం భారత్ విధి. అందుకే తనపై ఆధారపడిన నేపాల్, శ్రీలంక, భూటాన్ లాంటి దేశాల విజ్ఞప్తితో... ఈ ఔషధాల ఎగుమతికి అనుమతించింది భారత్." - ప్రభుత్వ వర్గాలు