జపాన్‌కు చెందిన ఆటో మొబైల్ దిగ్గజ సంస్థ హోండా కార్స్‌ ఇండియా లిమిటెడ్‌ (హెచ్‌సీఐఎల్‌) దేశీయ మార్కెట్లో వాహనాల ధరలను పెంచాలని నిర్ణయించింది. ఈ మేరకు కంపెనీ డీలర్లకు సమాచారం ఇచ్చినట్లు పరిశ్రమ వర్గాలు పేర్కొన్నాయి. వచ్చే ఏడాది జనవరి నుంచి పెరిగిన ధరలు అమలులోకి రానున్నట్లు కంపెనీ డీలర్ ఒకరు చెప్పారు.
జనవరిలో హోండా కార్ల ధరలు పెంపు - హోండా వాహనాలు
ప్రముఖ ఆటోమొబైల్ కంపెనీ హోండా కార్స్‌ ఇండియా లిమిటెడ్‌ వాహనాల ధరలను పెంచే యోచనలో ఉన్నట్లు తెలుస్తోంది. యాజమాన్యం ఇప్పటికే ఆ సంస్థ డీలర్లకు సమాచారం ఇచ్చినట్లు పరిశ్రమ వర్గాలు చెప్తున్నాయి.
జనవరి నుంచి పెరగనున్న హోండా వాహనాల ధరలు
కరెన్సీ ప్రభావం, ఇన్పుట్ వ్యయంలో ఒత్తిడి కారణంగా ధరలు పెంచాలని సంస్థ నిర్ణయించినట్లు తెలిపారు. హోండా అమేజ్ నుంచి ప్రీమియం ఎస్యూవీ సీఆర్-వి వరకు పెంచిన ధరలు వర్తిస్తాయని తెలుస్తోంది. దిల్లీ మార్కెట్లో ప్రస్తుతం అమేజ్ ధర రూ .6.17 లక్షల నుంచి ప్రారంభం కాగా, ఎంట్రీ లెవల్ సీఆర్-వి రూ. 28.71 లక్షలుగా ఉంది.