గత ఆర్థిక సంవత్సర చివరి త్రైమాసికమైన జనవరి-మార్చిలో హెచ్డీఎఫ్సీ బ్యాంకు భారీ లాభాలు అర్జించింది. మార్చితో ముగిసిన 2018-19 నాలుగో త్రైమాసికంలో బ్యాంకు రూ. 5,885.12 కోట్ల నికరలాభం నమోదు చేసింది. 2017-18లో ఇదే కాలానికి వచ్చిన నికరలాభం రూ.4,799.28 కోట్లతో పోలిస్తే ఇది 23 శాతం అధికం.
హెచ్డీఎఫ్సీ బ్యాంకుకు లాభాల పంట - BANK
దిగ్గజ ప్రెవేటు బ్యాంకు హెచ్డీఎఫ్సీ.. గత ఆర్థిక సంవత్సర చివరి త్రైమాసిక ఫలితాలను ప్రకటించింది. అంతకుముందటి ఏడాది ఇదే త్రైమాసికంతో పోలిస్తే 23 శాతం పెరుగుదల కనిపించింది.
హెచ్డీఎఫ్సీ బ్యాంకుకు లాభాల పంట
వడ్డీల రూపంలో వచ్చిన ఆదాయం 22.8 శాతం పెరిగి రూ. 13వేల 89 కోట్లకు చేరుకుంది. 2017-18 చివరి త్రైమాసికంలో ఇది రూ.10వేల 657గా ఉంది.
2018-19 సంవత్సరం జనవరి-మార్చి త్రైమాసికంలో బ్యాంకు ఆదాయం రూ. 31వేల 204 కోట్లకు చేరింది. 2017-18లో అదే త్రైమాసికంతో పోల్చితే ఇది 22.1 శాతం వృద్ధితో సమానం.