స్వల్పంగా పెరిగిన బంగారం, వెండి ధరలు

బంగారం, వెండి ధరలు పెరిగాయి. దేశ రాజధానిలో 10 గ్రాముల పసిడి రూ.48,589కు చేరింది. వెండి ధర రూ. 1,043(కిలోకు) పెరిగి రూ.71,755గా ఉంది.

బంగారం, వెండి ధరలు బుధవారం స్వల్పంగా పెరిగాయి. దిల్లీలో 10 గ్రాముల స్వచ్ఛమైన పసిడి ధర రూ.527 పెరిగి.. రూ.48,589 వద్దకు చేరింది. ఇదివరకు ఈ ధర రూ.48,062గా ఉండేది. అమెరికన్​ డాలర్​ విలువ క్షీణించడం పసిడి ధర పెరుగుదలకు కారణమని విశ్లేషకులు చెబుతున్నారు.

పసిడి బాటలోనే వెండి ధర కూడా రూ.1,043 (కిలోకు) పెరిగి రూ.71,755కు చేరింది. ఇదివరకు కిలో వెండి ధర (దిల్లీలో) రూ.70,732 వద్ద ఉండేది.

అంతర్జాతీయ మార్కెట్లో ఔన్సు బంగారం ధర 1,908 డాలర్లకు పెరిగింది. వెండి ఔన్సుకు 28.07 డాలర్ల వద్ద ఫ్లాట్​గా ఉంది.

ఇదీ చదవండి :లాభాలతో ముగిసిన మార్కెట్లు- సెన్సెక్స్ 380 ప్లస్