చమురు ధరలు, ఆర్థిక గణాంకాలే ఈ వారం కీలకం!

ఈ వారం స్టాక్ మార్కెట్లకు అమెరికా బాండ్ మార్కెట్లు, ద్రవ్యోల్బణం, పారిశ్రామికోత్పత్తి గణాంకాలు దిశా నిర్దేశం చేయనున్నాయి. వీటితో పాటు ముడి చమురు ధరలూ మార్కెట్లను ప్రభావితం చేసే ప్రధానాంశంగా విశ్లేషకులు చెబుతున్నారు.

స్టాక్ మార్కెట్లపై ఈ వారం ముడి చమురు ధరలు, అమెరికా బాండ్ మార్కెట్లు, స్థూల ఆర్థిక గణాంకాల ప్రభావం కీలకంగా ఉండనున్నట్లు విశ్లేషకులు చెబుతున్నారు. ఈ అంశాల ఆధారంగా విదేశీ, దేశీయ మదుపరుల స్పందన మార్కెట్లకు దిశా నిర్దేశం చేయనున్నట్లు చెబుతున్నారు.

'అమెరికా ఫెడ్​ తదుపరి సమావేశంలో తీసుకునే నిర్ణయాలు మార్కెట్లపై కీలకంగా ప్రభావం చూపే అవకాశముంది. తక్కువ వడ్డీ రేట్లను, హై లిక్విడిటీకి ప్రాధాన్యతనిస్తూ ఫెడ్ నిర్ణయం తీసుకుంటే.. అది మార్కెట్లకు కలిసొచ్చే అంశం' అని జియోజిత్​ ఫినాన్షియల్​ సర్వీసెస్​ పరిశోధన విభాగాధిపతి వినోద్​ నాయర్​ పేర్కొన్నారు.

వీటన్నింటితో పాటు ద్రవ్యోల్బణం, పారిశ్రామికోత్పత్తి గణాంకాలపై మదుపరులు ప్రధానంగా దృష్టిసారించొచ్చని స్టాక్ బ్రోకర్లు చెబుతున్నారు.

రూపాయి కదలికలు, కరోనా వైరస్​ సంబంధిత వార్తలు మార్కెట్లను ప్రభావవితం చేసే సాధారణ అంశాలుగా ఉండనున్నాయి.

ఇదీ చదవండి:'మహిళా సాధికారత కోసం 'హెర్​ సర్కిల్​''