ఆర్బీఐ నిర్ణయంతో నిరాశ- నష్టాల్లోకి సూచీలు

12:19 December 05

వడ్డీ రేట్లను యథాతథంగా ఉంచుతూ రిజర్వు బ్యాంకు ద్రవ్యపరపతి విధానం ప్రకటించడం మదుపర్లను నిరాశకు గురిచేసింది. ఫలితంగా వారు అమ్మకాలకు మొగ్గుచూపుతున్నారు. సెన్సెక్స్​ 80 పాయింట్ల నష్టంతో 40 వేల 770 వద్ద ట్రేడవుతోంది. నిఫ్టీ 30 పాయింట్లు తగ్గి 12 వేల 10 వద్ద కొనసాగుతోంది. 

09:48 December 05

ఆర్​బీఐ వడ్డీ రేట్లు తగ్గిస్తుందన్న అంచనాలు, అమెరికా-చైనా వాణిజ్య చర్చలు ఒప్పందం దిశగా సాగుతున్న నేపథ్యంలో దేశీయ స్టాక్ మార్కెట్ సూచీలు లాభాల్లో కొనసాగుతున్నాయి. బొంబాయి స్టాక్ ఎక్స్ఛేంజీ సూచీ సెన్సెక్స్ 80 పాయింట్లు లాభపడి 40, 931 వద్ద ట్రేడవుతోంది. జాతీయ స్టాక్​ ఎక్స్ఛేంజీ సూచీ నిఫ్టీ  24 పాయింట్లు వృద్ధిచెంది 12,067వద్ద కొనసాగుతోంది.

లాభాల్లో ఉన్న షేర్లు

జీ లిమిటెడ్, టైటాన్, హీరో, అల్ట్రా సిమెంట్, టీసీఎస్, తేజాస్ నెట్ షేర్లు లాభాల్లో కొనసాగుతున్నాయి.

నష్టాల్లో ఉన్న షేర్లు

హెచ్​సీఎల్, ఎస్ బ్యాంక్, భారతీ ఎయిర్​టెల్, కోల్ ఇండియా, సన్​ఫార్మా, జేపీ అసోసియేట్ షేర్లు నష్టాల్లో ట్రేడవుతున్నాయి.

బలపడిన రూపాయి

డాలరు మారకంతో పోలిస్తే రూపాయి విలువ 25 పైసలు బలపడి 71.65గా ఉంది.