చిన్న పరిశ్రమల్లో పని చేస్తూ.. కరోనా సంక్షోభంలో ఉద్యోగం కోల్పోయి.. తిరిగి విధుల్లో చేరిన వారికి కేంద్రం గుడ్ న్యూస్ చెప్పింది. ఉద్యోగుల భవిష్యనిధి సంస్థ (ఈపీఎఫ్ఓ) చందాదారులకు 2022 వరకు ఉద్యోగుల షేర్తో పాటు, యాజమాన్యాలు చెల్లించే మొత్తాన్ని కూడా ప్రభుత్వమే చెల్లించనున్నట్లు కేంద్ర ఆర్థిక శాఖ మంత్రి నిర్మలా సీతారామన్ ప్రకటించారు. ఈపీఎఫ్ఓ కింద నమోదు చేసుకున్న సంస్థల్లో ఉద్యోగం చేసే వారికి మాత్రమే ఈ నిర్ణయం వర్తిస్తుందని పేర్కొన్నారు.
అసంఘటిత రంగంలో పనిచేసే కార్మికులు ఓ జిల్లాలో 25 వేలమంది కంటే ఎక్కువగా ఉండి.. సొంతూళ్లు వెళ్లినట్లు అయితే.. వారు కేంద్ర ప్రభుత్వం అందిస్తున్న 16 సంక్షేమ పథకాల కింద లబ్ధిపొందుతారని నిర్మలా సీతారామన్ తెలిపారు. ఇందుకోసం 2020లోనే మహాత్మాగాంధీ ఉపాధి హామీ పథకం నిధులను రూ. 60 వేల కోట్ల నుంచి రూ. లక్ష కోట్లకు పెంచినట్లు గుర్తుచేశారు.
ఆ ఉద్యోగులకు కేంద్రం గుడ్ న్యూస్ - ఉద్యోగుల షేర్ చెల్లించనున్న కేంద్రం
కొవిడ్ సంక్షోభంలో ఉద్యోగం కోల్పోయి.. తిరిగి విధుల్లో చేరిన ఈపీఎఫ్ ఖాతాదారులకు కేంద్ర ప్రభుత్వం శుభవార్త చెప్పింది. ఉద్యోగుల భవిష్యనిధి సంస్థలో జమ చేసే యాజమాన్యాల, ఉద్యోగుల షేర్ను ప్రభుత్వమే చెల్లించనున్నట్లు కేంద్ర మంత్రి నిర్మలా సీతారామన్ తెలిపారు.
నిర్మలా సీతా రామన్