డిజిటల్​ నగరాల ర్యాంకుల్లో హైదరాబాద్​ నెం.2

అత్యధికంగా డిజిటలీకరణ జరిగిన నగరాల జాబితాలో అగ్రస్థానంలో నిలిచింది కర్ణాటక రాజధాని బెంగళూరు. దేశంలోనే అత్యధికంగా కార్డుల ద్వారా చెల్లింపులు జరుగుతున్నట్లు పేమెంట్స్​ సొల్యూషన్​ సంస్థ రాజోర్​ పే నిర్వహించిన సర్వేలో వెల్లడైంది. రెండో స్థానంలో హైదరాబాద్​ నిలిచింది.

డిజిటలీకరణలో కర్ణాటక రాజధాని బెంగళూరు దూసుకెళుతోంది. 'అత్యధిక డిజిటలీకరణ​ నగరాలు' జాబితాలో తొలిస్థానాన్ని ఆక్రమించింది. దేశంలోనే అత్యధికంగా కార్డుల ద్వారా చెల్లింపులు జరుగుతున్నట్లు పేమెంట్​ సొల్యూషన్​ సంస్థ రాజోర్​ పే నిర్వహించిన సర్వేలో వెల్లడైంది.

రాజోర్​ పే సాఫ్ట్​వేర్​ సంస్థ విడుదల చేసిన 'ఎరా ఆఫ్​ రైసింగ్​ ఫిన్​టెక్​ రిపోర్ట్​' ప్రకారం బెంగళూరు తరువాత రెండోస్థానంలో హైదరాబాద్​, మూడు, నాలుగు, ఐదులో ముంబయి, పుణె, దిల్లీ ఉన్నాయి.

రాష్ట్రాల్లో..

రాష్ట్రాల జాబితాలో తొలి ఐదు స్థానాల్లో కర్ణాటక, మహారాష్ట్ర, తమిళనాడు, ఆంధ్రప్రదేశ్​, దిల్లీ ఉన్నాయి.

22 శాతం పెరిగిన కార్డుల వినియోగం

క్రెడిట్​, డెబిట్​ కార్డుల ద్వారా చెల్లింపులు గత ఏప్రిల్​, మే, జూన్​లో 50 శాతంగా ఉన్నాయని సర్వే వెల్లడించింది. ఈ నెలల్లో క్రెడిట్​, డెబిట్​ కార్డుల వాడకం 22 శాతం అధికంగా ఉన్నట్లు తెలిపింది.

ఆహార పదార్థాలు, పానీయాలకు అత్యధికంగా 29 శాతం, ఆటల సంస్థల్లో 15 శాతం, ఆర్థిక సేవల్లో 14 శాతం డిజిటల్ చెల్లింపులు జరిగాయి.

ఇదీ చూడండి: 'డిజిటల్​ లావాదేవీలపై ఛార్జీలు నిల్'