ఐరోపా లెక్కలు తెచ్చిన చిక్కులు

స్టాక్​ మార్కెట్ల వరుస లాభాలకు వారాంతంలో అడ్డుకట్టపడింది. 53.99 పాయింట్లు కోల్పోయిన సెన్సెక్స్​ 36,671.43 పాయింట్ల వద్ద స్థిరపడింది. నిఫ్టీ 22.80 పాయింట్లు క్షీణించి 11,035.40 వద్ద ముగిసింది.

వారమంతా వరుస లాభాలతో దూసుకెళ్లిన స్టాక్​ మార్కెట్లు వారాంతంలో నష్టపోయాయి. బొంబాయి స్టాక్​ ఎక్స్చేంజి సూచీ-సెన్సెక్స్​ 53.99 పాయింట్ల నష్టానికి 36,671.43 వద్ద స్థిరపడింది. జాతీయ స్టాక్​ ఎక్స్చేంజి-సూచీ నిఫ్టీ 22.80 పాయింట్లు క్షీణించి 11,035.40 వద్దకు చేరింది.
ఈ వారం ట్రేడింగ్​లో సెన్సెక్స్​ 607.62 పాయింట్ల లాభాన్ని నమోదు చేసింది.

ఇదీ కారణం

అంతర్జాతీయంగా బలహీన సంకేతాల కారణంగా ఐటీ, లోహ రంగాల్లో మదుపరులు అప్రమత్తత పాటించారు.
వృద్ధిరేటు అంచనాలు తగ్గిస్తూ ఐరోపా కేంద్ర​ బ్యాంక్ ప్రకటన చేసింది. చైనా ఎగుమతుల్లో క్షీణత అంతర్జాతీయంగా మదుపరుల సెంటిమెంట్​ను ప్రభావితం చేసింది.

ఇంట్రాడే సాగిందిలా...

సూచీ	గరిష్ఠం	కనిష్ఠం
సెన్సెక్స్​	36,753.59	36,592.93
నిఫ్టీ	11,049	11,008.95

లాభానష్టాల్లోనివివే...

సెన్సెక్స్​లో టాటా మోటార్స్ నేడు అత్యధికంగా 3.99 శాతం నష్టం మూటగట్టుకుంది. ఈ వరుసలో హెచ్​సీఎల్​టెక్​ 2.53 శాతం, టాటా స్టీల్​ 2.43 శాతం, వేదాంత 2.02 శాతం, ఇన్ఫోసిస్​ 1.48 శాతం, ఓఎన్​జీసీ 1.38 శాతం నష్టపోయాయి.

ఎన్​టీపీసీ 4.28 శాతం బలపడి లాభాలు వచ్చిన జాబితాలో మొదటి వరుసలో నిలిచింది. బజాజ్​ ఆటో 1.38 శాతం, బజాజ్​ ఫైనాన్స్​ 1.13 శాతం, సన్​ఫార్మా 0.92 శాతం, ఐటీసీ 0.69 శాతం, టీసీఎస్​ 0.54 శాతం లాభాలు ఆర్జించాయి.

30 షేర్ల ఇండెక్స్​లో 16 షేర్లు నష్టాల్లో ట్రేడవ్వగా 13 షేర్లు లాభాల్లో ముగిశాయి. భారతీ ఎయిర్​టెల్​ షేర్లలో ఎలాంటి మార్పు లేదు.

రూపాయి, చమురు

రూపాయి నేడు 7 పైసలు బలపడింది. ప్రస్తుతం డాలర్​తో రూపాయి మారకం విలువ 65.22 వద్ద స్థిరపడింది.
ముడి చమురు ధరల బ్రెంట్​ సూచీ 1.63 శాతం తగ్గింది. బ్యారెల్​ ముడి చమురు ధర 65.22 డాలర్లుగా నమోదైంది.

ఇతర మార్కెట్లు సాగాయిలా

అసియాలో ఇతర ప్రధాన మార్కెట్లయిన షాంఘై సూచీ 4.40 శాతం లాభం ఆర్జించింది. హాంకాంగ్​ సూచీ హాంగ్​ సెంగ్​ 1.91 శాతం, కొరియా సూచీ కోస్పీ1.31 శాతం, జపాన్​ సూచీ నిక్కీ 2.01 శాతం నష్టాల్లో ముగిశాయి.