దేశీయ క్రికెట్ పండుగ ఐపీఎల్లో... ముంబయిలోని వాంఖడే వేదికగా ముంబయి ఇండియన్స్, దిల్లీ క్యాపిటల్స్ మధ్య నేడు రాత్రి 8 గంటలకు మ్యాచ్ జరగనుంది. ప్రపంచకప్ ముందున్న నేపథ్యంలో ఇరుజట్లలోని భారత ఆటగాళ్లు ఎలా ఆడతారనేది ఆసక్తికరం.
అందరి చూపు ముంబయి జట్టులోని కీలక ఆటగాళ్లయిన హార్దిక్ పాండ్యా, బుమ్రాపైనే. రోహిత్ శర్మ సారథ్యంలో వారు ఎలాంటి మెరుపులు మెరిపిస్తారోనని అభిమానులు ఎదురుచూస్తున్నారు. గాయం నుంచి కోలుకున్న హార్దిక్ పాండ్యాపై జట్టు డైరెక్టర్ జహీర్ ప్రత్యేక దృష్టి సారించాడు.
హార్దిక్ పాండ్యా ప్రస్తుతం పర్యవేక్షణలో ఉన్నాడు. అతడి ఫిట్నెస్పై జట్టు ప్రత్యేక దృష్టి సారించింది -జహీర్ ఖాన్, ముంబయి జట్టు డైరెక్టర్
భారత జట్టు ప్రధాన పేసర్ బుమ్రాపై టీమిండియా మేనేజ్మెంట్ ప్రత్యేక దృష్టి పెట్టింది. మెగాటోర్నీ ముందున్న నేపథ్యంలో అతనిపై పనిభారం తక్కువ పడేలా చూడనుంది. ముంబయి ఆడే తొలి ఆరు మ్యాచ్లకు పేసర్ మలింగ అందుబాటులో ఉండటం లేదు.
వన్డే జట్టు ఓపెనర్ అయిన రోహిత్.. ఐపీఎల్లోనూ అదే బాధ్యతను నిర్వర్తించనున్నాడు. బ్యాటింగ్లో అలరించేందుకు యువరాజ్, పొలార్డ్, కటింగ్, సూర్యకుమార్ యాదవ్ ఉండనే ఉన్నారు.
ప్రాక్టీస్లో ముంబయి ఇండియన్స్ బౌలింగ్లో బరిందర్, మెక్లెనిగన్ పేస్ బాధ్యతలు పంచుకోనున్నారు. స్పిన్ బౌలింగ్ను కృనాల్, జయంత్, మయాంక్ చూసుకోనున్నారు.
దిల్లీ జట్టు ఈ సీజన్ నుంచి పేరు మార్చుకుని దిల్లీ క్యాపిటల్స్గా బరిలోకి దిగుతోంది. ధావన్ రాకతో జట్టుకు బలం చేకూరింది. ప్రపంచకప్ ముందు అతడు ఫామ్ అందుకుంటాడా లేదా అనేది ప్రశ్న.
ప్రాక్టీస్లో దిల్లీ క్యాపిటల్స్ యువ క్రీడాకారులు పృథ్వీ షా, కెప్టెన్ శ్రేయస్ అయ్యర్, పంత్ బ్యాటింగ్లో మెరిసేందుకు సిద్ధంగా ఉన్నారు. బౌల్ట్, ఇషాంత్ శర్మ, రబాడా, నాథు సింగ్లతో దిల్లీ బౌలింగ్ లైనప్ బలంగా ఉంది.
జట్లు
ముంబయి ఇండియన్స్
రోహిత్ శర్మ(కెప్టెన్), బుమ్రా, హార్దిక్ పాండ్య, కృనాల్ పాండ్య, రాహుల్ చాహర్, కటింగ్, ఇషాన్ కిషన్(వికెట్ కీపర్), మయాంక్ మార్కండే, మెక్లెనగన్, పొలార్డ్, అనుకుల్ రాయ్, రషీఖ్ సలామ్, యువరాజ్ సింగ్, అనుమోల్ ప్రీత్ సింగ్, బరిందర్ శ్రాణ్, ఆదిత్యా తారే, సూర్యకుమార్ యాదవ్, జయంత్ యాదవ్, డికాక్, జేసన్, పంకజ్ జైస్వాల్, సిద్ధేశ్ లాడ్, ఎల్విన్ లూయిస్, మలింగ, మిల్నే
దిల్లీ క్యాపిటల్స్
పృథ్వీ షా, పంత్, ధావన్, శ్రేయస్ అయ్యర్, అమిత్ మిశ్రా, రూథర్ ఫర్డ్, ఆవేశ్ ఖాన్, బండారు అయ్యప్ప, హర్షల్ పటేల్, ఇషాంత్, రబాడా, నాథు సింగ్, సందీప్ లామ్చానే, బౌల్ట్, అక్షర్ పటేల్, క్రిస్ మోరిస్, మన్రో, హనుమ విహారి, జలజ్ సక్సేనా, కీమో పాల్, రాహుల్ తేవాతియా, అంకుశ్, కొలిన్ ఇన్గ్రామ్, మన్జోత్ కర్లా
