ఈనాడు-ఈటీవీ ఆధ్వర్యంలో ఓటు హక్కుపై అవగాహన

మరో రెండు రోజుల్లో ఓట్ల పండుగ రానుంది. అందరూ ఓటు హక్కును వినియోగించుకోవాలంటూ.. ఈనాడు ఈటీవీ ఆధ్వర్యంలో నిర్వహించిన అవగాహన కార్యక్రమంలో విద్యార్థులు, ఉపాధ్యాయులు పాల్గొన్నారు. ఓటు హక్కును వినియోగించుకోవాలని సూచించారు.

పార్లమెంటు ఎన్నికల్లో ప్రతి ఒక్కరు నిర్భయంగా తమ ఓటు హక్కును వినియోగించుకోవాలని ప్రభుత్వ పాఠశాల విద్యార్థులు సూచించారు. మేడ్చల్​ జిల్లా ఘట్​కేసర్​లోని ప్రతాప్​ సింగారం గ్రామంలో ఈనాడు-ఈటీవీ ఆధ్వర్యంలో నిర్వహించిన అవగాహన కార్యక్రమంలో విద్యార్థులతో పాటు ఉపాధ్యాయులు పాల్గొన్నారు. గ్రామంలో విద్యార్థులంతా ర్యాలీగా వెళ్లి.. ఓటు వినియోగంపై అవగాహన కల్పించారు. ఓటు మన భవిష్యత్తును మారుస్తుందని ఎలాంటి ప్రలోభాలకు లోనుకాకుండా వినియోగించుకోవాలని కోరారు.