కాంగ్రెస్ తీర్థం పుచ్చుకోనున్న శత్రుఘ్న సిన్హా? బాలీవుడ్ నటుడు, అసంతృప్త భాజపా నేతశత్రుఘ్న సిన్హా ఈ నెల 28న కాంగ్రెస్ పార్టీలో చేరతారని బిహార్ కాంగ్రెస్ ప్రచార కమిటీ ఛైర్మన్, రాజ్యసభ సభ్యుడు అఖిలేశ్ ప్రసాద్ సింగ్ ప్రకటించారు.
"శత్రుఘ్న సిన్హా దిల్లీలో ఈ నెల 28న ఉదయం 11.30 గంటలకు కాంగ్రెస్ పార్టీలో చేరుతారు. ఆయన పట్నా సాహెబ్ లోక్సభ స్థానం నుంచి కాంగ్రెస్ తరఫున బరిలో దిగుతారు."- అఖిలేశ్ ప్రసాద్ సింగ్, బిహార్ కాంగ్రెస్ ప్రచార కమిటీ ఛైర్మన్
కాంగ్రెస్ అధ్యక్షుడు రాహుల్గాంధీ సమక్షంలో సిన్హా చేరే విషయంపై స్పష్టతనివ్వలేదు అఖిలేశ్. ప్రముఖ నాయకుల సమక్షంలో శత్రుఘ్న పార్టీలోకి వస్తారని తెలిపారు. బిహార్లో కాంగ్రెస్, ఆర్జేడీ కూటమి ఎన్నికల బరిలో నిలిచింది.
భాజపా ఎంపీగా ఉన్న శత్రుఘ్న సిన్హా కొంతకాలంగా సొంత పార్టీపై తీవ్ర స్థాయిలో విమర్శలు గుప్పిస్తున్నారు. ప్రధాని మోదీ, అమిత్ షా విధానాలను బహిరంగంగా విమర్శిస్తున్నారు.
ఈ నేపథ్యంలో తాను ప్రాతినిథ్యం వహిస్తున్న పట్నా సాహెబ్ టికెట్ను సిన్హాకు ఇవ్వలేదు భాజపా. ఆ స్థానంలో కేంద్రమంత్రి రవిశంకర్ ప్రసాద్ను బరిలోకి దింపింది.
ఇదీ చూడండి :నోట్ల రద్దు సమయంలో దోపిడీపై కాంగ్రెస్ వీడియో
