స్టైలిష్ స్టార్ అల్లు అర్జున్ నటిస్తున్న 'అలవైకుంఠపురములో' చిత్రంలోని 'రాములో రాములా' సాంగ్ దుమ్మురేపుతోంది. విడుదలైన నాలుగురోజుల్లోనే 16 మిలియన్ల(కోటీ 60 లక్షల మందికి పైగా) వీక్షణలతో యూట్యూబ్లో సంచలనం సృష్టిస్తోంది. దీపావళి సందర్భంగా పూర్తి పాటను శనివారం(అక్టోబర్ 26) విడుదల చేసింది చిత్రబృందం.
పార్టీ నేపథ్యంలో సాగే ఈ పాటలో బన్నీతో పాటు హీరోయిన్లు పూజా హెగ్డే, నివేదా పేతురాజ్.. సహా నటుడు సుశాంత్, టబు తదితరులు కనిపిస్తున్నారు. తమన్ సంగీతమందించాడు. అనురాగ్ కులకర్ణి, మంగ్లీ.. ఈ గీతాన్ని అలపించారు. శేఖర్ మాస్టర్ కొరియోగ్రఫీ చేశాడు.