స్థానిక ఎన్నికల్లో కేసీఆర్కు బుద్ధిచెప్పండి: పొన్నాల
నాలుగు నెలలు గడిచినా సర్పంచ్లకు చెక్పవర్ ఇవ్వకుండా కేసీఆర్ పంచాయతీల్లో ఆర్థిక సంక్షోభాన్ని సృష్టిస్తున్నారని కాంగ్రెస్ సీనియర్ నేత పొన్నాల లక్ష్మయ్య మండిపడ్డారు. గ్రామాలకు నేరుగా నిధులను కాంగ్రెస్ ప్రభుత్వ హయాంలో కేటాయించినట్లు తెలిపారు. అంబేడ్కర్ విగ్రహాన్ని అవమానించి, ఇంటర్ విద్యార్థుల ఆత్మహత్యలకు కారణమైన కేసీఆర్కు గుణపాఠం చెప్పాలన్నారు. అధికారం, పార్టీ ఫిరాయింపులు తప్ప కేసీఆర్కు మరో ధ్యాస లేదన్నారు. ప్రజాసమస్యలను గాలికొదిలేసి విహారయాత్రలకు పోతున్న ముఖ్యమంత్రికి ప్రజలు బుద్ధిచెప్పాలని విజ్ఞప్తి చేశారు. స్థానిక సంస్థల ఎన్నికల్లో హస్తం గుర్తుకు ఓటేసి కాంగ్రెస్ అభ్యర్థులను గెలిపించాలని కోరారు.