రఫేల్ వ్యవహారంపై లోక్సభ మరోసారి అట్టుడికింది. అధికార, విపక్ష నేతలు ఒకరిపై ఒకరు విమర్శనాస్త్రాలు సంధించుకున్నారు. రఫేల్ యుద్ధ విమానాల కొనుగోలులో ప్రధాని నరేంద్ర మోదీ రూ.30 వేల కోట్లు అనిల్ అంబానీకి అందేలా చేశారని కాంగ్రెస్ ఆరోపించింది. అందుకనుగుణంగా ఫ్రాన్స్ ప్రభుత్వంతో ప్రధానమంత్రి కార్యాలయం చర్చలు కూడా జరిపిందని విమర్శించింది.
రఫేల్పై మరోమారు దద్దరిల్లిన లోక్సభ
రఫేల్ ఒప్పందంపై పదేపదే చర్చ అవసరం లేదు. సంయుక్త పార్లమెంటరీ కమిటీ-జేపీసీ ఏర్పాటు చేయండి. మేము అన్నీ అబద్ధాలు చెబుతున్నామని అంటున్నారు. జేపీసీ ఏర్పాటు చేస్తే నిజమేంటో బయటపడుతుంది. ఒప్పందంలోని పూర్తి వివరాలు తెలుస్తాయి. అందుకే మాకు ఎలాంటి వివరణ అవసరం లేదు. జేపీసీ ఏర్పాటు చేయాలన్నదే మా ఏకైక డిమాండ్.
-మల్లికార్జున ఖర్గే, లోక్సభలో కాంగ్రెస్ పక్షనేత