సరికొత్త ఫీచర్లతో.. పబ్​ జీ లైట్ వచ్చేసింది!

తక్కువ ఫీచర్లు ఉన్న స్మార్ట్ ఫోన్​ యూజర్లు కూడా ఇకపై పబ్​ జీ అనుభూతిని పొందనున్నారు. ఇందుకోసం పబ్​ జీ లైట్ యాప్​ను యూజర్లకు అందుబాటులోకి తెచ్చింది పబ్​ జీ కార్పొరేషన్. 80కి పైగా దేశాల్లో పబ్​ జీ లైట్​ యాప్​ అందుబాటులో ఉండనున్నట్లు వెల్లడించింది.

యువతకు మరింత దగ్గరయ్యేందుకు సిద్ధమైంది పబ్​ జీ. గత 8 నెలలుగా టెస్టింగ్ దశలో ఉన్న పబ్​ జీ లైట్​ యాప్​ను యూజర్లకు అందుబాటులోకి తెచ్చింది. 80కి పైగా దేశాల్లో నేటి నుంచి పబ్​ జీ లైట్ అందుబాటులో ఉండనున్నట్లు పబ్​ జీ కార్పొరేషన్ వెల్లడించింది.

ఓపెన్ బీటా వెర్షన్​లో గేమ్ కంటెంట్​లో అదనపు మార్పులతో పాటు లైట్ పాస్ సదుపాయాన్ని అందుబాటులోకి తీసుకువచ్చింది. దీని ద్వారా గేమ్​ మిషన్​ను పూర్తి చేసేందుకు గేమర్లకు అవకాశం కలగనుంది.

4 వర్సెస్ 4 మ్యాచ్

సరికొత్త 4 వర్సెస్ 4 మోడ్ ఫీచర్​ను పబ్​ జీ లైట్​లో అందుబాటులో ఉంచింది పబ్​ జీ. నలుగురు సభ్యులతో కూడిన రెండు బృందాలు గేమ్​లో పాల్గొనొచ్చు. ఖాళీ ప్రదేశంలో.. పడవలు, కంటైనర్లు, వాహనాల మధ్య గేమ్​ను రూపొందించారు. ఇందులో ఏ జట్టు అయితే 30 మంది శత్రువులను చిత్తు చేస్తుందో వారే విజేతగా నిలుస్తారు.