పీజీ కళాశాలల్లో లోపాల్ని గుర్తించిన విశ్వవిద్యాలయం
నిర్దేశిత ప్రమాణాల ప్రకారం లేని 250 వృత్తి విద్య కళాశాలలకు జేఎన్టీయూహెచ్ నోటీసులు జారీ చేసింది. ఇంజినీరింగ్, ఫార్మసీ, అండర్ గ్రాడ్యుయేట్ పీజీ కళాశాలల్లో ఉన్న లోపాల్ని గుర్తించిన విశ్వవిద్యాలయం... వివరణ కోరుతూ 10 రోజుల గడువు ఇచ్చింది. గత నెలలో నిజ నిర్ధరణ కమిటీలు వర్సిటీ పరిధిలోని అన్ని కళాశాలల్లో తనిఖీ చేపట్టారు. అధ్యాపకుల కొరత, ప్రయోగశాలలో పరికరాల లేమి, ఇతర లోపాలను గుర్తించి నోటీసులు ఇచ్చారు.
అధ్యాపకుల సంఖ్య తక్కువగా ఉంటే వారి నియామకానికి సంబంధించిన సమాచారం 4వ తేదీన ఇవ్వాలని ఆదేశాలు జారీచేశారు. అండర్ గ్రాడ్యుయేట్ కోర్సు కంటే పీజీ కోర్సుల్లో ఎక్కువ లోపాలు గుర్తించారు. రాష్ట్రవ్యాప్తంగా 97 వేల 134 బీటెక్ సీట్లు ఉన్నా..వాటిలో కన్వీనర్, యాజమాన్య కోటా కలిపి 70 వేలు మాత్రమే భర్తీ అవుతున్నాయి.